Isaya 15:1-9
-
Simemetelo lesimelene nelive lakaMowabi (1-9)
15 Simemetelo lesimelene nelakaMowabi:+
Ngenca yekutsi libhujiswe ngebusuku bunye,I-Ari+ yakaMowabi ithulisiwe.
Ngenca yekutsi ibhujiswe ngebusuku bunye,IKhiri+ yakaMowabi ithulisiwe.
2 Bantfu bakhuphukile baya eNdlini* naseDiboni,+Etindzaweni letiphakeme bayokhala.
Mowabi ulilela iNebo+ neMedeba.+
Tonkhe tinhloko tihhulwe taba lumanyu,+ tonkhe tilevu tikelwe kahle.+
3 Etitaladini takhona bagcoke tindvwangu temasaka,Eluphahleni lwetindlu tabo nasetindzaweni tabo tawonkhewonkhe, bonkhe bayalila;Batsi behla babe balila.+
4 IHeshboni ne-Eleyale+ ikhala kakhulu;Emavi ayo avakala khashane ngisho naseJahasi.+
Kungako emadvodza lahlomile akaMowabi achubeka amemeta.
Lesive siyavevetela.
5 Inhlitiyo yami iyamkhalela Mowabi.
Bakhoseli bakhona babaleke baze bayofika eSowari+ nase-Eglathi-shelishiya.+
ELuhithi bayakhala njengobe bakhuphuka;Endleleni leya eHoronayimu bakhala bamemete ngenca yalesehlakalo.+
6 Ngobe sekute lonatsa emanti aseNimrimu;Tjani lobuluhlata sebushile,Lotjani abusekho futsi sekute lokuluhlata lokusele.
7 Kungako bahamba nalokusele endzaweni labagcina kuyo tintfo nemcebo wabo;
Bewela sihosha lesinetihlahla tasesihosheni.*
8 Ngobe lokukhala lokukhulu kuhokoma sonkhe sifundza sakaMowabi.+
Lesililo sifika nase-Eglayimu;Lesililo sifika naseBheri-elimu.
9 Ngobe emanti aseDimoni agcwele ingati,Futsi kunyenti lengikubekele iDimoni:
Libhubesi litawuhlasela labo labaphunyulile bakaMowabiKanye nalabo labasele eveni.+
