Isaya 26:1-21
26 Ngalelolanga, kaJuda+ kuyawuhlatjelwa nayi ingoma:+
“Sinelidolobha lelicinile.+
Yena wenta insindziso ibe lubondza lwalo netivikelo talo.+
2 Vulani emagede+ kuze sive lesilungile singene,Sive lesitiphetse ngekwetsembeka.
3 Wena utabavikela labo labetsembela kuwe ngalokuphelele;*Utabaniketa kuthula lokuchubekako,+Ngobe betsembele kuwe.+
4 Tsembela kuJehova phakadze,+Ngobe Jehova, Jehova uLidvwala laphakadze.+
5 Ngobe yena wehlise labahlala endzaweni lephakeme, lokulidolobha leliphakeme.
Uyalehlisa,Ulehlisela phansi emhlabeni,Ulilahlela phansi elutfulini.
6 Lunyawo lutaligcobagcoba,Netinyawo talabacindzetelwe, netinyatselo tebantfukatana.”
7 Indlela yalolungile icondzile.*
Ngobe wena ucondzile,Utawulungisa indlela yalabalungile.
8 Awu Jehova, njengobe sihamba indleleni yekulunga kwakho,Litsemba letfu silibeke kuwe.
Silangatelela* libito lakho nesikhumbuto* sakho.
9 Ebusuku ngikulangatelela ngemphefumulo wami wonkhe,Umoya wami uchubeka ukufuna;+Ngobe nakunetehlulelo temhlaba letivela kuwe,Bantfu labaseveni bafundza ngekulunga.+
10 Ngisho nome ngabe lomubi entelwa umusa,Angeke akufundze kulunga.+
Ngisho nome aseveni lalabalungile,* utakwenta tintfo letimbi,+Futsi angeke abubone bukhosi baJehova.+
11 Awu Jehova, sandla sakho siphakanyisiwe kodvwa abasiboni.+
Batawubona inshisekelo lonayo ngebantfu bakho futsi batawuhlazeka.
Umlilo wetitsa takho utabacedza.
12 Awu Jehova, utasinika kuthula,+Ngobe konkhe lesikwentile,Sikwentelwe nguwe.
13 Awu Jehova Nkulunkulu wetfu, labanye babusi ngaphandle kwakho basibusile,+Kodvwa sikhuluma ngelibito lakho kuphela.+
14 Bafile; angeke baphile.
Bete emandla ekufeni, angeke bavuke.+
Ngobe sewubanakileKuze ubabhubhise uphindze ubacedze nya.
15 Usandzisile lesive, awu Jehova,Usandzisile lesive;Utikhatimulisile.+
Sewuyenwebe kakhulu yonkhe imincele yalelive.+
16 Awu Jehova, ngetikhatsi tekucindzeteleka beta kuwe;Bathantaza kuwe ngelivi leliphansi nawubajezisa.+
17 Njengemfati lotetfwele nasekatawubeleka,Lophetfwe ngumhelo futsi lokhaliswa tinhlungu,Natsi sibe njalo ngenca yakho, awu Jehova.
18 Sikhulelwe, saphatfwa ngumhelo,Kodvwa kufana nekutsi sitele umoya.
Asikayiletsi insindziso kulelive,Futsi kute lotelwe kuze ahlale kulelive.
19 “Labafile bakho bayawuphila.
Tidvumbu* tami tiyawuvuka.+
Phaphamani nimemete ngenjabulo,Nine lenihlala elutfulini!+
Ngobe ematolo akho afana nematolo asekuseni,*Futsi umhlaba uyawubangela kutsi labafile baphindze baphile.*
20 Hambani bantfu bami niyongena emakamelweni enu langekhatsi,Nivale iminyango ngemuva kwenu.+
Bhacani sikhashanaKuze kwendlule lulaka* lwami.+
21 Ngobe Jehova uyeta usuka endzaweni yakheKuze ente bantfu balelive balandzise ngesono sabo,Futsi kutakwembulwa kucitseka kwengati lokwenteka kuleliveTidvumbu talo angeke likhone kutimbonya.”
Imibhalo lengentansi
^ Kungaphindze kubekwe ngekutsi, “labo labanganyakatiseki.”
^ Nobe “ibekile.”
^ Nobe “Imiphefumulo yetfu ilangatelela.”
^ Lokusho, kufuna bantfu bati futsi bakhumbule libito laNkulunkulu.
^ Nobe “labacondzile.”
^ NgesiHebheru kutsi, “Sidvumbu.”
^ Kungaphindze kubekwe ngekutsi, “ematolo etihlahla.”
^ Nobe “uyawutala labo labete emandla labafile.”
^ Nobe “sijeziso.”
