Jeremiya 47:1-7
-
Siphrofetho lesimelene nemaFilisti (1-7)
47 Ngaphambi kwekutsi Faro ancobe iGaza, Jehova wakhuluma nemphrofethi Jeremiya mayelana nemaFilisti.+
2 Jehova utsi:
“Kunemanti lachamuka enyakatfo.
Atawufika asikhukhula lesinemandla kakhulu.
Atawukhukhula lelive kanye nako konkhe lokukulo,Akhukhule lelidolobha kanye nebantfu labahlala kulo.
Emadvodza atawukhala,Futsi bonkhe bantfu labahlala kulelive batawulila.
3 Kutawutsi nakuvakala emahhashi esitsa agabadvula,Nalapho kuvakala bukhehlekhehle betinkalishi temphi,Kanye nemsindvo wemasondvo ato,Bobabe angeke bagucuke kuze basite emadvodzana abo,Ngenca yekutsi batawube sebesaba kakhulu,
4 Ngobe liyeta lilanga lapho atawubhujiswa khona onkhe emaFilisti;+Kubhujiswe bonkhe labasele lebebasita iThire+ neSidoni.+
Jehova utawabhubhisa emaFilisti,LokungemaFilisti lasesele kulawo laphuma esichingini saseKhaftori.*+
5 Bantfu baseGaza batawuba netimphandla.*
I-Ashkeloni seyibhujisiwe.+
Awu nine lenisele esihosheni* semaFilisti,Kutawuze kube ngunini solo nitisika?+
6 Awu wena nkemba yaJehova!+
Kutawuze kube ngunini solo ugalela?
Buyela emgodleni wakho.
Sale uphumula, uyekele kugalela.
7 Ingakuyekela kanjani kugalelaIbe itfunywe nguJehova kutsi yente njalo?
Itawuhlasela i-Ashkeloni nelugu lwelwandle,+Ngobe ngulapho ayitfume khona.”
Imibhalo lengentansi
^ Lokusho, iKhrethe.
^ Lokusho, kuhhula tinhloko tabo ngenca yekutsi bayalila futsi bahlazekile.
^ Nobe “etsafeni.”
