Jobe 10:1-22
10 “Ngiyakwenyanya kuphila kwami.+
Ngitawutisho tonkhe tintfo lengikhala ngato.
Ngikhulume ngiselusizini lwami!
2 Ngitawutsi kuNkulunkulu: ‘Ungangibeki licala.
Ngitjele sizatfu lesikwenta umelane nami.
3 Kuyakuzuzisa yini kungicindzetela,Kubukela phansi umsebenti wetandla takho+Ube ujatjuliswa seluleko salababi?
4 Emehlo akho ngemehlo enyama yini,Futsi ubuka tintfo ngendlela umuntfu latibuka ngayo yini?
5 Emalanga akho anjengemalanga ebantfu yini,Futsi iminyaka yakho ifana neyemuntfu yini,+
6 Kutsi ungabe uphenya emaphutsa amiFutsi ube uchubeka ufuna tono tami?+
7 Uyati kutsi ngite licala;+Futsi kute longangisindzisa esandleni sakho.+
8 Ungidalile, wangibumba ngetandla takho,+Kodvwa nyalo sewufuna kungibhubhisa ungicedze.
9 Ngicela ukhumbule kutsi wangenta ngelubumba,+Kodvwa nyalo sewufuna kungibuyisela emhlabatsini.+
10 Akusuwe yini lowangitfululela esiswini samake njengelubisiFutsi wangibumba kuso?*
11 Wangenta ngaba nesikhumba nenyama,Wangihlanganisa ngematsambo nangemisipha.+
12 Ungiphe kuphila, wakhombisa nekutsi uyangitsandza;*Ucondzise kuphila kwami* ngekunginakekela.+
13 Kodvwa enhlitiyweni yakho bewuhlose kwenta tintfo letimbi kimi.*
Ngiyati kutsi letintfo tivela kuwe.
14 Nangabe ngona, wena bewutakubona konkhe,+Futsi bewungeke uwacolele emaphutsa ami.
15 Maye kimi nangabe nginelicala!
Ngisho nobe ngimsulwa, angeke ngikhone kuphakamisa inhloko yami,+Ngobe nginemahloni netinhlupheko letinyenti.+
16 Nangiphakamisa inhloko yami, ungitingela kuhle kwelibhubesi+Uphindze umelane nami ngemandla akho.
17 Uletsa bofakazi labasha kuze bamelane namiFutsi ungitfukutselela kakhulu,Kungako ngehlelwa tinkinga ngekulandzelana.
18 Wangikhiphelani esiswini samake?+
Bekufanele ngife ngaphambi kwekutsi kube khona longibonako.*
19 Bekutawuba shengatsi angikake ngibe khona;Bengitawukhishwa esiswini samake ngicondze ethuneni.’
20 Akasimbalwa yini emalanga langisalele?+ Nkulunkulu akangiyekele;Akasuse emehlo akhe kimi, kute ngitfole kuphumula sikhashana*+
21 Ngaphambi kwekutsi ngihambe ngiye endzaweni lengingeke ngibuye kuyo,+Endzaweni lemnyama kakhulu,*+
22 Eveni lelimnyama tsu,Lokulive lelinelitfunti lelikhulu nalelinesiphitsiphitsi,Lapho kukhanya kwakhona kufanana nebumnyama.”
Imibhalo lengentansi
^ NgesiHebheru kutsi, “wangicinisa njengashizi,” lokusho lubisi lolunelulata.
^ Nobe “umoya wami.”
^ Nobe “lutsandvo lolucotfo.”
^ NgesiHebheru kutsi, “Letintfo utifihle enhlitiyweni yakho.”
^ NgesiHebheru kutsi, “liso lelingibonako.”
^ Nobe “ngijabule sikhashana.”
^ Nobe “yebumnyama nelitfunti lekufa.”
