Jobe 11:1-20
11 Sofari+ umNama waphendvula watsi:
2 “Onkhe lamavi akho kufanele angaphendvulwa yini,Futsi kukhuluma kakhulu* kutakwenta ube ngumuntfu lolungile yini?
3 Inkhulumo yakho lelite ingabathulisa yini bantfu?
Kute yini lokufanele akwekhute nawukhuluma emavi ekuphukuta?+
4 Ngobe utsi: ‘Timfundziso tami atinasici,+Futsi ngimsulwa kuNkulunkulu.’+
5 Kube mane Nkulunkulu bekangakhulumaAvule umlomo wakhe akuphendvule,+
6 Bekangembula timfihlo letikwenta uhlakaniphe,Ngobe umuntfu lohlakaniphile angacondza tintfo letinyenti.
Ngako bewutawubona kutsi Nkulunkulu ukhetsa kungatikhumbuli letinye tetono takho.
7 Ungakucondza yini kujula kwekuhlakanipha kwaNkulunkuluFutsi ungaticondza yini tonkhe tintfo letimayelana naSomandla?*
8 Kuhlakanipha kuphakeme kunelizulu. Yini nje longayenta?
Kujulile kuneliThuna.* Yini nje loyatiko?
9 Kukhulu kunemhlabaFutsi kubanti kunelwandle.
10 Nangabe Nkulunkulu endlula futsi abophe lotsite bese umletsa enkantolo,Ngubani longamvimba?
11 Ngobe uyabati bantfu labangaketsembeki.
Nakabona lokubi, angeke yini akunakisise?
12 Kodvwa silima siyawucala kucondzaMhlazana imbongolo* itala umuntfu.*
13 Kube mane bewungalungisa inhlitiyo yakhoFutsi uphakamise tandla takho uthantaze kuNkulunkulu.
14 Nangabe kukhona lokubi lokwentako, kuyekele,Futsi ungavumi kutsi kwentiwe tintfo letingakalungi emathendeni akho.
15 Ngobe nawenta njalo ungaphakamisa inhloko yakho umsulwa;Ungema ucine, ungesabi lutfo.
16 Utawubese uyatikhohlwa tinkinga takho;Utikhohlwe kube shengatsi tingemanti lake ageleta embikwakho.
17 Kuphila kwakho kutawukhanya kakhulu kunemini;Ngisho nebumnyama butawufana nekukhanya kwasekuseni.
18 Utawuba nesibindzi ngobe likhona litsemba,Futsi utawucalata emaceleni, ulale uphephile.
19 Utawulala futsi kube bete lokwesabisako,Bantfu labanyenti batawucela kutsi ubentele umusa.
20 Kodvwa emehlo alababi angeke asabona kahle;Futsi ngeke bayitfole indzawo labangabalekela kuyo,Kufa* kuphela lokutawuba litsemba labo.”+
Imibhalo lengentansi
^ Nobe “kukhulumela futsi.”
^ Nobe “ungawucondza yini umkhawulo waSomandla?”
^ Nobe “kuneShiyoli,” lokusho lithuna lebantfu. Fundza Tinchazelo Temagama.
^ Nobe “Imbongolo yesiganga.” Loluhlobo lwembongolo alufuywa futsi luhlala esigangeni.
^ Nobe “imbongolo italwa ingumuntfu.”
^ Nobe “Kufa kwemphefumulo.”
