Jobe 17:1-16
17 “Umoya wami wephukile, emalanga ami asanciphile;Lithuna lingilindzile.+
2 Bantfu labaphukutako bangitungeletile,+Futsi emehlo ami kufanele ahlalele kubuka kwedzelela kwabo.
3 Ngicela ungetsembise kutsi utangisekela.
Ngubani nje lomunye longangisita?+
4 Ngobe tingcondvo tabo utivalile, watenta tangacondzi;+Kungako ungabaphakamisi.
5 Umuntfu angapha bangani bakhe tintfo lanato,Abe emehlo ebantfwana bakhe amnyama ngenca yendlala.
6 Nkulunkulu ungente ngaba yinhlekisa kubantfu,*+Futsi bangikhafulela ebusweni.+
7 Lusizi lubonakala emehlweni ami,+Futsi ngondze ngiyesabeka.
8 Bantfu labenta lokuhle bayamangala nababona loku,Futsi lolungile ucansulwa bantfu lababi.*
9 Umuntfu lolungile uchubeka abambelele endleleni yakhe,+Nemuntfu lomsulwa utawuba nemandla ekwenta lokulungile.+
10 Nanobe kunjalo, nonkhe ningeta futsi nichubeke naloku benikusho,Ngobe kute umuntfu lohlakaniphile lengimbonile emkhatsini wenu.+
11 Sengisalelwe sikhatsi lesincane ngiphila;+Tinhloso tami, lokutifiso tenhlitiyo yami setishabalele.+
12 Lamadvodza solo agucula busuku abente imini,Atsi: ‘Njengobe kumnyama kusho kutsi sekutawukhanya.’
13 Ngitawulindza nje kancane, futsi liThuna* litawuba likhaya lami;+Umbhedze wami ngitawendlala ebumnyameni.+
14 Ngitawumemeta umgodzi*+ ngitsi: ‘Wena ungubabe wami!’
Emphetfwini ngitsi: ‘Wena ungumake wami nadzadzewetfu!’
15 Likuphi-ke litsemba lami?+
Ukhona yini locabanga kutsi ngisengaba nalo?
16 Litawehlela* emasangweni eliThuna*Futsi ngitawehlela nalo elutfulini.”+
Imibhalo lengentansi
^ NgesiHebheru kutsi, “saga kubantfu.”
^ Nobe “labatihlubuki.”
^ Nobe “iShiyoli,” lokusho lithuna lebantfu. Fundza Tinchazelo Temagama.
^ Nobe “lithuna.”
^ Lokusho, litsemba lami.
^ Nobe “eShiyoli,” lokusho lithuna lebantfu. Fundza Tinchazelo Temagama.
