Jobe 18:1-21
18 Bildadi+ umShuwa waphendvula watsi:
2 “Kutawuze kube ngunini solo ukhuluma ngalendlela?
Khombisa kutsi unekucondza kute natsi sikhulume.
3 Wentiwa yini lokutsi usitsatse njengetilwane+Futsi kube ngatsi sitilima* emehlweni akho?
4 Ngisho nobe ungatidzabula ube ticucu ngenca yentfukutselo,Ucabanga kutsi umhlaba ungasala ungenabantfu yini ngenca yakho,Nobe ucabanga kutsi lidvwala lingasuka endzaweni yalo, lisukele wena?
5 Sibane salomubi sitawucinywa,Futsi lilangabi lemlilo wakhe angeke livutse.+
6 Nakanjani kukhanya lokusethendeni lakhe kutawuba bumnyama,Nesibane lesimkhanyiselako sitawucinywa.
7 Tinyatselo takhe setitawuba timfisha,Ngisho nemacebo akhe atawumenta awe.+
8 Ngobe utawuhamba enethini,Futsi tinyawo takhe titawubambeka.
9 Lugibe lutambamba esitsendzeni;Futsi utawubanjwa nasitsiyo.+
10 Utawutsiywa ngentsambo lefihlwe emhlabatsini,Abekelwe nelugibe endleleni.
11 Tintfo letesabisako timetfusa ndzawo tonkhe+Futsi timhleli etitsendzeni tiyamcosha.
12 Emandla akhe ayaphela,Nenhlekelele+ itawumenta adzayitele.*
13 Sikhumba sakhe siyadleka;Futsi sifo lesibulalanako* sidla emalunga akhe emtimba.
14 Letinhlekelele titawumenta angasahlali ngekuphepha ethendeni lakhe,+Futsi titawumenta afe kabuhlungu.*
15 Bantfu bekuhamba batawuhlala* ethendeni lakhe;Likhaya lakhe litawushiswa ngumlilo.+
16 Njengesihlahla, timphandze takhe titawoma,Nemagala akhe abune.
17 Bantfu batamkhohlwa emhlabeni,Futsi labasemigwacweni angeke basalati ligama lakhe.*
18 Batamcosha lapho kukhanya khona, bamyise ebumnyameni,Bamcoshe nasendzaweni levundzile.
19 Utawuba bete bantfwana kanye nebatukulu kubantfu bakubo,Futsi kutawuba bete umuntfu losaphila endzaweni lahlala kuyo.*
20 Nasekufike lilanga lakhe, bantfu labahlala eNshonalanga batawesabaNalabahlala eMphumalanga batawufikelwa kwesaba lokukhulu.
21 Nguloku-ke lokwentekako emathendeni emuntfu lowenta lokubiNasendzaweni yemuntfu longamati Nkulunkulu.”
Imibhalo lengentansi
^ Kungaphindze kubekwe ngekutsi, “singcolile.”
^ Nobe “achute.”
^ NgesiHebheru kutsi, “Litibulo lekufa lidla.”
^ NgesiHebheru kutsi, “aye enkhosini yetintfo letesabekako.”
^ NgesiHebheru kutsi, “Lokungasiko kwakhe kutawuhlala.”
^ NgesiHebheru kutsi, “ngeke asaba neligama emigwacweni.”
^ Nobe “endzaweni lahlala kuyo kwesikhashana.”