Jobe 22:1-30
22 Elifazi+ umThemani waphendvula watsi:
2 “Umuntfu angaba lusito yini kuNkulunkulu?
Umuntfu lohlakaniphile angamsita yini?+
3 Somandla unendzaba yini nekutsi* ulungile,Futsi kukhona yini lakutfolako ngekutsi wena uhlale ucotfo?+
4 Angakujezisa yiniFutsi akuyise enkantolo ngenca yekutsi uyamhlonipha?
5 Akusiko yini kutsi tintfo letimbi lotentako setinyenti kakhuluNekutsi tono takho atipheli?+
6 Ngobe utsatsa sibambiso kubomnakenu ngaphandle kwesizatfu,Futsi ukhumula bantfu timphahla tabo, ubashiye bangcunu.*+
7 Lodziniwe awumuphi emanti ekunatsa,Nalolambile awumuphi kudla.+
8 Umuntfu lonemandla njengawe utitsatsela indzawo lenkhulu,+Futsi ngulabatsandvwako labahlala kuyo.
9 Bafelokati ubajikisa balengisa tandla,Futsi ulimate nebantfwana labatintsandzane.
10 Kungako utungeletwe titsiyo,*+Futsi wesatjiswa tinkinga letikwehlela ungakatilindzeli;
11 Ngiko nje kumnyama kangaka uze ungaboni lutfo,Futsi ngiko umbonywe sikhukhula.
12 Nkulunkulu akahlali yini etulu ezulwini?
Ase ubuke nje kutsi tonkhe tinkhanyeti tisetulu kangakanani.
13 Kodvwa wena utsite: ‘Kukhona yini Nkulunkulu lakwatiko?
Angehlulela yini abe asitfwe bumnyama lobukhulu?
14 Emafu ayamsitsa angaboni lutfoNjengobe ahambahamba ezulwini.’*
15 Wena utawuhamba ngendlela yakadzeni yini,Lebebahamba kuyo bantfu labebenta lokubi?
16 Kufa kwabakhandza* sisengakefiki sikhatsi sabo,Njengendlu lenesisekelo lesihambe netikhukhula.*+
17 Bebatsi kuNkulunkulu weliciniso: ‘Ase usiyekele!’
Baphindze batsi: ‘Somandla angasentani nje?’
18 Kodvwa nguNkulunkulu lowabapha letintfo letinhle letisetindlini tabo.
(Mine angiticabangi tintfo letimbi njengaleti.)
19 Labalungile batakubona kubhujiswa kwalababi futsi bajabule,Nalabamsulwa batabaphukuta batsi:
20 ‘Titsa tetfu setibhujisiwe,Netintfo tato titawushiswa ngemlilo.’
21 Yati Nkulunkulu futsi utawuba nekuthula;Netintfo letinhle titakulandzela.
22 Yemukela umtsetfo lophuma emlonyeni wakhe,Ugcine nemavi akhe enhlitiyweni yakho.+
23 Nawubuyela kuSomandla, utawuvuseleleka;+Nawuyekela kwenta lokungakalungi ethendeni lakho,
24 Nanawulahla ligolide* lakho elutfuliniUlahle neligolide lase-Ofiri+ etihosheni* letinemadvwala,
25 Somandla utawufana neligolide* kuwe,Futsi afane nelisiliva lelikhetselo kuwe.
26 Wena utawubese uyajabula ngaSomandla,Futsi utawetsembela kuye.
27 Utawumncenga, yena akulalele;Bese wena ugcwalisa tifungo takho.
28 Nobe yini loncuma kuyenta, itawuphumelela,Nendlela yakho itawukhanya.
29 Ngobe nawukhuluma ngekutigcabha utawehliswa,Kodvwa yena utamsindzisa lotfobekile.*
30 Utabasindzisa labamsulwa;Ngako nangabe tandla takho tihlantekile, nakanjani utakusindzisa.”
Imibhalo lengentansi
^ Nobe “Somandla kuyamjabulisa yini kutsi.”
^ NgesiHebheru kutsi, “ukhumula labangcunu timphahla tabo.”
^ NgesiHebheru kutsi, “titsiyo tetinyoni.”
^ NgesiHebheru kutsi, “endzaweni lesetulu ezulwini.”
^ Nobe “Kuphila kwabo kwancanyulwa.”
^ NgesiHebheru kutsi, “nemfula.”
^ Nobe “lucetu lweligolide.”
^ Fundza Tinchazelo Temagama.
^ Nobe “lucetu lweligolide.”
^ Nobe “lonemehlo labuke phansi.”
