Jobe 24:1-25
24 “Kungani Somandla angalibeki lilanga lakhe lekwehlulela?+
Kungani labo labamatiko bangalati lelilanga?
2 Bantfu bayatikhweshisa tikhonkwane etindzaweni talabanye bantfu;+Beba timvu batiyise emadlelweni abo.
3 Batsatsa timbongolo tetintsandzaneBatsatse nenkhomo yemfelokati bayente sibambiso.+
4 Bakhweshisa labeswele endleleni;Labaphuyile labasemhlabeni kufanele bababhacele.+
5 Labaphuyile bayazulazula bafune kudla njengetimbongolo*+ ehlane;Bafunela bantfwana babo kudla elugwadvule.
6 Kufanele bavune ensimini yalomunye umuntfu*Futsi babutse lokusele ensimini yemagilebisi yebantfu lababi.
7 Busuku bonkhe balala bangcunu, bangakagcoki lutfo;+Kute labangakwembatsa nakumakhata.
8 Banetfwa timvula letina etintsabeni babe manti nte;Babambelela emadvwaleni ngobe bete indzawo yekuhlala.
9 Umntfwana lote babe ususwa ebeleni lamake wakhe;+Netimphahla taloweswele titsatfwa tentiwe sibambiso,+
10 Batikhandze bahamba ngcunu, bangakagcoki lutfo,Futsi betfwale lokuvuniwe babe balambile.
11 Basebenta kamatima emaweni langasetindvongeni tematje kube kushisa lilanga;*Bagcobagcoba emagilebisi etjeni lekuhlutela, kepha babulawe koma.+
12 Bantfu labafako bayachubeka bacuma edolobheni;Labalimele kakhulu bakhalela lusito,+Kodvwa Nkulunkulu akanendzaba naloko.*
13 Kunebantfu labenyanya kukhanya;+Labangatati tindlela tako,Futsi labangahambi etindleleni tako.
14 Umbulali uvuka entsatsakusa;Abulale labangenabani nalabeswele,+Bese kutsi ebusuku ebe.
15 Umuntfu losiphingi umela kutsi kuhwalale,+Atsi: ‘Kute lotangibona!’+
Futsi ambonye buso bakhe.
16 Nakumnyama bayagcekeza* etindlini;Bese kutsi emini bativalele etindlini.
Abevani nekukhanya.+
17 Kusa bakwesaba ngendlela bantfu labesaba ngayo bumnyama;Kodvwa batetayele tintfo letetfusako tasebusuku.
18 Nobe kunjalo, emanti abakhukhula ngekushesha.*
Indzawo yabo itawucalekiswa.+
Ngeke babuyele emasimini abo emagilebisi.
19 Njengobe nje somiso nekushisa komisa sitfwatfwa lesincibilikile,LiThuna* nalo litsatsa labo labonile!+
20 Make wabo* utawubakhohlwa; timphetfu titawutitika ngabo.
Ngeke baphindze bakhunjulwe.+
Futsi bantfu labangakalungi batawujutjwa njengesihlahla.
21 Balimata umfati longabatfoli bantfwana,Bahluphe nemfelokati.
22 Nkulunkulu* utawusebentisa emandla akhe kute abhubhise labanemandla;Ngisho nobe bangaba netikhundla letisetulu, abaciniseki kutsi batawuphila yini nobe cha.
23 Nkulunkulu* uyabavumela kutsi bative bavikelekile futsi banesibindzi,+Kodvwa emehlo akhe abuke konkhe labakwentako.*+
24 Bayaphakanyiswa sikhashana, bese bayanyamalala.+
Bayehliswa+ futsi bafe njengabo bonkhe bantfu;Bayajutjwa njengematimba akolo.
25 Manje ngubani longatsi nginemangaNobe aphikise loko lengikushoko?”
Imibhalo lengentansi
^ Nobe “timbongolo tesiganga.” Loluhlobo lwembongolo alufuywa futsi luhlala esigangeni.
^ Kungaphindze kubekwe ngekutsi, “bavune kudla kwemfuyo ensimini.”
^ Kungaphindze kubekwe ngekutsi, “Bagcobagcoba imincumo emaweni langasetindvongeni tematje.”
^ Kungaphindze kubekwe ngekutsi, “kute Nkulunkulu lambeka licala.”
^ NgesiHebheru kutsi, “bagubha bangene.”
^ NgesiHebheru kutsi, “Umuntfu lowenta lokubi uyantanta etikwemanti.”
^ Nobe “IShiyoli,” lokusho lithuna lebantfu. Fundza Tinchazelo Temagama.
^ NgesiHebheru kutsi, “Sibeletfo.”
^ NgesiHebheru kutsi, “Yena.”
^ NgesiHebheru kutsi, “Yena.”
^ NgesiHebheru kutsi, “tindlela tabo.”
