Jobe 30:1-31
30 “Nyalo bantfu labancane kunamiSebayangihleka,+Bobabe babo bengingeke ngibavumeleKutsi basite tinja letigadza timvu tami.
2 Angisite ngani emandla abo?
Nemdlandla wabo sewuphelile.
3 Sebaphelelwe ngemandla ngenca yekweswela kanye nendlala;Bahlafuna umhlabatsi lowomileLobesewuvele wonakele futsi ungasenalutfo.
4 Bakha emacembe laneluswayi emahlatsini;Badle netimphandze letibabako tetihlahla.
5 Bayacoshwa emimangweni;+Bantfu babagijimisa shengatsi bagijimisa sigebengu.
6 Bahlala etihosheni,*Emigodzini lesemhlabatsini kanye nasemadvwaleni.
7 Bakhala bamemete emahlatsiniFutsi babutsane emkhatsini wetihlahla tembabatane.
8 Njengobe bangemadvodzana ebantfu labangenangcondvo nalabangasiti ngalutfo,Bacoshiwe* eveni.
9 Kodvwa nyalo bangiphukuta ngisho nasetingomeni tabo;+Sengiyinhlekisa kubo.+
10 Bayangenyanya futsi abasasondzeli kimi;+Abesabi kungikhafulela ebusweni.+
11 Ngobe Nkulunkulu ungente ngaba butsakatsaka* futsi ngaphelelwa ngemandla,Bangiphatsa kabi kakhulu* ngibukile.
12 Ngesekudla sami bamelana nami njengesicumbi sebantfu lesitongihlasela;Futsi bayangicoshaBabeka tingibe endleleni kute bangibulale.
13 Bavimba indlela yamiBangenta ngihlupheke kakhulu,+Kube kute nalotawubavimba.*
14 Bangena kube shengatsi bangene ngembobo lenkhulu leselubondzeni;Batitsele endzaweni lebhidlikile.
15 Kwesaba kuyangihlasela;Kuhlonipheka kwami kususiwe kimi kwaba shengatsi kupheshulwe ngumoya,Futsi litsemba lami lekutfola lusito lishabalala njengelifu.
16 Nyalo sengitawufa,+Futsi onkhe malanga ngiva buhlungu.+
17 Ebusuku, ematsambo ami ayacacamba;*+Buhlungu lobungiphetse abupheli.+
18 Imphahla yami idvonswa ngemandla;*Ingekhama njengesembatfo lesinesiphika lesibambanako.
19 Awu Nkulunkulu, ungijike eludzakeni;Ngaze ngafanana nelutfuli kanye nemlotsa.
20 Ngikhalela lusito kuwe, kodvwa awungiphendvuli;+Ngiyasukuma, kodvwa wena umane nje ungibuke.
21 Sewungilahle kabuhlungu;+Ungishaya ngesandla sakho lesinemandla.
22 Ungitsatsa ungiphonsele lena ngipheshulwe ngumoya;Bese ungijika lena nalena esivunguvungwini.*
23 Ngobe ngiyati kutsi utangehlisela ekufeni,Endlini lapho bonkhe labaphilako baya khona.
24 Kodvwa kute longahlasela umuntfu longenamandla*+Nakakhalela lusito ngesikhatsi senhlekelele.
25 Angikabakhaleli yini labo lababhekene netikhatsi letimatima?*
Angikabadzabukeli yini labeswele?+
26 Bengitsi ngifuna lokuhle, kwefika lokubi;Bengitsi ngifuna kukhanya, kodvwa kwavela bumnyama.
27 Ngachubeka ngikhatsatekile;Emalanga ekuhlupheka nawo achubeka angihlasela.
28 Ngihamba ngiva buhlungu;+ lapho kute khona kukhanya.
Esicunjini sebantfu, ngiyasukuma ngikhalele lusito.
29 Sengigucuke ngaba ngumnakabojakalaziFutsi sengingumngani wetinshi.*+
30 Sikhumba sami sesigucuke saba mnyama futsi siyalitsika;+Ematsambo ami ayavutsa ngenca yekushisa.*
31 Lihabhu lami selisetjentiswa kuphela nakulilwa,Futsi umntjingo wami sewudlalwa nakukhalwa.
Imibhalo lengentansi
^ Fundza Tinchazelo Temagama.
^ NgesiHebheru kutsi, “Behlelwe tinhlupheko.”
^ NgesiHebheru kutsi, “utsambise intsambo yami yemcibisholo.”
^ Nobe “Balahla litomu.”
^ Kungaphindze kubekwe ngekutsi, “Kube kute lotawubasita.”
^ NgesiHebheru kutsi, “ematsambo ami ayabhoboseka.”
^ Kungaphindze kubekwe ngekutsi, “Buhlungu bami lobukhulu bungenta ngesabeke.”
^ Kungaphindze kubekwe ngekutsi, “ungibhubhisa ngemoya lomkhulu.”
^ NgesiHebheru kutsi, “indvundvuma yetindzala.”
^ Nobe “labanelilanga lelimatima?”
^ NgesiNgisi kutsiwa yi-Ostrich.
^ Kungaphindze kubekwe ngekutsi, “yemkhuhlane.”
