Jobe 35:1-16
35 Elihu wachubeka watsi:
2 “Ucabanga kutsi usho intfo lekahle yini nawutsi:
‘Ngilunge kakhulu kunaNkulunkulu’?+
3 Ngobe utsite: ‘Kuzuzisa ngani?*
Ngincono yini kunaloko bengitawuba ngiko kube bengonile?’+
4 Ngitakuphendvula,Ngiphendvule nalabangani+ bakho labakanye nawe.
5 Phakamisela emehlo akho ezulwini ubuke,Bukisisa emafu+ lasetulu kakhulu kunawe.
6 Nangabe wona, loko kuyamlimata yini Nkulunkulu?+
Nangabe tono takho tiba tinyenti, kuyamtsintsa yini yena?+
7 Nangabe ulungile, kumzuzisa ngani yena;Kukhona yini lakutfola kuwe?+
8 Tento takho letimbi tilimata kuphela umuntfu lofana nawe,Netento takho letilungile tisita umuntfu kuphela.
9 Bantfu bayakhala nabacindzeteleke kakhulu;Bakhalela lusito nabacindzetelwe ngulabo labanemandla.*+
10 Kodvwa kute lotsi: ‘Uphi Nkulunkulu, uMdali wami Lomkhulu,+Loyo lowenta kutsi kuhlatjelwe tingoma ebusuku?’+
11 Usifundzisa lokunyenti+ kwendlula tilwane letisemhlabeni,+Futsi usenta sihlakaniphe kakhulu kwendlula tinyoni temazulu.
12 Bantfu bakhala kakhulu kodvwa yena akaphendvuli,+Ngenca yekutsi lababi bayatigabatisa.+
13 Nkulunkulu akamlaleli umuntfu lokhalela lite;*+Somandla akakunaki kukhala lokunjalo.
14 Kakhulu kangakanani-ke nawukhonona ngekutsi awumboni!+
Licala lakho lisembikwakhe, ngako kufanele ulindzele yena.+
15 Ngobe akakujezisanga atfukutsele;Futsi akawanaki emavi lowakhulume ngebudlabha.+
16 Jobe uvula umlomo wakhe akhulume lite;Ukhuluma tintfo letinyenti abe angenalwati.”+
Imibhalo lengentansi
^ Kungenteka kutsi, “Kumsita ngani Nkulunkulu?”
^ NgesiHebheru kutsi, “nabacindzetelwe ngumkhono walabanemandla.”
^ Nobe “locala emanga.”
