Joshuwa
15:1-63
15 Indzawo leyaniketwa*+ imindeni yesive sakaJuda yayihamba iyowufika emnceleni waka-Edomu,+ ehlane laseZini, ichubeke iye eNegebhu emkhawulweni wayo loseningizimu.
2 Umncele walesive loseningizimu bewusukela emaphetselweni eLwandle Lweluswayi,*+ kusuka elugwini lolubuke eningizimu.
3 Bewuhamba uye eningizimu emgwacweni lowenyukelako wase-Akrabhimu,+ wendlulele eZini, bese wenyukela eKhadeshi-bhaneya+ kusuka eningizimu, wendlulele eHesroni, wenyukele nase-Adari futsi ujike uye ngaseKhakha.
4 Lomncele bewubese wendlulela e-Asmoni,+ uchubeke uye eSigodzini* saseGibhithe,+ futsi bewuphelela eLwandle.* Lona-ke bekungumncele walesive sakaJuda loseningizimu.
5 Umncele wasemphumalanga bekuLwandle Lweluswayi* kuze kuyewufika lapho kuphela khona iJordane, kantsi umncele lobewuseluhlangotsini lwasenyakatfo bewuselugwini lwelwandle lapho kuphela khona iJordane.+
6 Lomncele bewenyukela eBhethi-hogla,+ wendlulele nasenyakatfo yeBhethi-arabha,+ futsi wenyuke uze uyewufika etjeni laBohani+ indvodzana yaRubeni.
7 Lomncele bewenyukela naseDebiri eSihosheni* sase-Akhori+ futsi ujikele enyakatfo uye eGilgali,+ lesembikwemgwaco lowenyukelako wase-Adumimu leseningizimu yalesigodzi. Bewendlulela nasemantini ase-Eni-shemeshi,+ ufike uphelele e-Eni-rogeli.+
8 Bewuphindze wenyukele eSigodzini seNdvodzana yaHinomu,+ uye endzaweni leyewukelako yemaJebhusi+ eningizimu, lokuyiJerusalema.+ Lomncele bewenyukela nasesicongweni sentsaba lebukene neSigodzi saHinomu kubheka enshonalanga, lesisemaphetselweni eSihosha* semaRefa kubheka enyakatfo.
9 Lomncele wasikwa kusukela esicongweni sentsaba kuya emtfonjeni wemanti aseNefithowa,+ wachubekela emadolobheni asentsabeni i-Efroni, futsi wasikwa waze wayofika eBhala, lokuyiKhiriyathi-jeyarimu.+
10 Lomncele wesuka eBhala wajikela enshonalanga futsi waya eNtsabeni iSeyiri, wendlulela endzaweni leyewukelako yaseNtsabeni iJeyarimu enyakatfo, lokuyiKhesaloni, futsi wehlela eBhethi-shemeshi+ wase wendlulela eThimna.+
11 Bewuphindze uchubekele endzaweni leyewukelako yase-Ekroni+ uye enyakatfo, futsi wasikwa waze wayofika eShikheroni waphindze wendlulela eNtsabeni iBhala, wahamba waze wayofika eJabniyeli. Lomncele bewuhamba uphelele elwandle.
12 Umncele bewusenshonalanga wawuseLwandle Lolukhulu*+ naselugwini lwalo. Lona-ke bekungumncele webantfwana baJuda ngemindeni yabo, kuto tonkhe tinhlangotsi.
13 Joshuwa waniketa Khalebi+ indvodzana yaJefune lifa emkhatsini webantfwana baJuda njengobe Jehova bekashito. Lendzawo bekuyiKhiriyathi-abha (Abha abengubabe wa-Anaki), lokusho iHebroni.+
14 Ngako Khalebi wawacosha kuleyo ndzawo emadvodzana lamatsatfu a-Anaki:+ boSheshayi, Ahimani naThalmayi,+ lebebangema-Anaki.
15 Ngemuva kwaloko wesuka lapho, wakhuphuka wayokulwa nebantfu labahlala eDebiri.+ (Ekucaleni iDebiri beyibitwa ngekutsi yiKhiriyathi-seferi.)
16 Khalebi wabese utsi: “Umuntfu lotawuhlasela iKhiriyathi-seferi futsi ayincobe, ngitamendzisela Akhisa indvodzakati yami.”
17 Othniyeli+ indvodzana yaKhenazi+ lobekangumnakabo Khalebi wayincoba. Ngako Khalebi wamendzisela Akhisa+ indvodzakati yakhe.
18 Ngesikhatsi Akhisa aya ekhaya wancenga indvodza yakhe kutsi icele insimu kubabe wakhe. Ngemuva kwaloko Akhisa wehla embongolweni* lebekayigibele, futsi Khalebi wambuta watsi: “Ufunani?”+
19 Akhisa watsi: “Ngicela ungibusise. Njengobe unginikete indzawo eningizimu,* ngicela uphindze unginike neGulothi-mayimu.”* Ngako Khalebi wamniketa iGulothi Lengenhla kanye neGulothi Lengentasi.
20 Leli bekulifa lesive sakaJuda ngemindeni yaso.
21 Emadolobha lebekasemaphetselweni endzawo yesive sakaJuda ngasemnceleni waka-Edomu+ eningizimu bekungulawa: IKhabsiyeli, i-Ederi, iJaguri,
22 iKhina, iDimona, i-Adada,
23 iKhedeshi, iHasori, i-Ithnani,
24 iZifu, iThelemu, iBheyalothi,
25 iHasori-hadatha, iKheriyothi-hesroni, lokuyiHasori,
26 i-Amamu, iShema, iMolada,+
27 iHasari-gada, iHeshmoni, iBhethi-pheleti,+
28 iHasari-shuwali, iBherisheba,+ iBhisiyothiya,
29 iBhala, i-Iyimu, i-Esemu,
30 i-Eltholadi, iKhesili, iHoma,+
31 iSikilagi,+ iMadmana, iSansana,
32 iLebayothi, iShilhimu, i-Ayini neRimona.+ Asawonkhe lamadolobha abengu-29 kanye nemadolobhana awo.
33 Emadolobha labekaseShefela+ bekungulawa: I-Eshtayoli, iSora,+ i-Ashna,
34 iZanowa, i-Eni-ganimu, iThaphuwa, i-Enamu,
35 iJamuthi, i-Adulamu,+ iSokho, i-Azekha,+
36 iSharayimu,+ i-Adithayimu, iGedera neGederothayimu.* Bekungemadolobha langu-14 kanye nemadolobhana awo.
37 Bekukhona neSanani, iHadasha, iMigdali-gadi,
38 iDileyani, iMispa, iJokthiyeli,
39 iLakhishi,+ iBhoskhathi, i-Egloni,
40 iKhabhoni, iLahamasi, iKhitlishi,
41 iGederothi, iBhethi-dagoni, iNama neMakheda.+ Bekungemadolobha langu-16 kanye nemadolobhana awo.
42 Bekukhona neLibna,+ i-Etheri, i-Ashani,+
43 iJifta, i-Ashna, iNesibu,
44 iKheyila, i-Akzibi neMaresha. Kwakungemadolobha langu-9 kanye nemadolobhana awo.
45 Bekuphindze kube ne-Ekroni nemadolobha labekaseceleni* kwayo kanye nemadolobhana awo;
46 kusukela e-Ekroni kuye enshonalanga, tonkhe tindzawo letiseceleni kwe-Ashdodi kanye nemadolobhana akhona.
47 Bekukhona ne-Ashdodi+ nemadolobha labekaseceleni* kwayo kanye nemadolobhana awo; iGaza+ nemadolobha labekaseceleni kwayo nemadolobhana awo, kwehle kuyewufika eSigodzini saseGibhithe, eLwandle Lolukhulu* nasesifundzeni lesiseceleni kwalo.+
48 Emadolobha labekasesifundzeni lesinetintsaba bekuyiShamiri, iJathiri,+ iSokho,
49 iDana, iKhiriyathi-sana, lokuyiDebiri,
50 i-Anabu, i-Eshtemo,+ i-Animu,
51 iGosheni,+ iHoloni neGilo.+ Bekungemadolobha langu-11 kanye nemadolobhana awo.
52 Bekukhona ne-Arabiya, iDuma, i-Eshani,
53 iJanumi, iBhethi-thaphuwa, i-Afekha,
54 iHumtha, iKhiriyathi-abha, lokuyiHebroni,+ kanye neSiyori. Bekungemadolobha langu-9 kanye nemadolobhana awo.
55 Bekuphindze kube neMayoni,+ iKhameli, iZifu,+ iJutha,
56 iJezreyeli, iJokdeyamu, iZanowa,
57 iKheni, iGibeya neThimna.+ Bekungemadolobha langu-10 kanye nemadolobhana awo.
58 Bekukhona neHalhuli, iBhethi-suri, iGedori,
59 iMarathi, iBhethi-anothi, ne-Elthekoni. Bekungemadolobha lasitfupha kanye nemadolobhana awo.
60 Bekuphindze kube neKhiriyathi-bhali, lokuyiKhiriyathi-jeyarimu,+ kanye neRabha. Bekungemadolobha lamabili nemadolobhana awo.
61 Ehlane bekuneBhethi-arabha,+ iMidini, iSekhakha,
62 iNibshani, Lidolobha Leluswayi ne-Eni-gedi.+ Bekungemadolobha lasitfupha nemadolobhana awo.
63 Emadvodza akaJuda akazange akhone kucosha emaJebhusi+ labehlala eJerusalema.+ Ngako kuze kube ngulamuhla emaJebhusi solo ahlala+ nebantfu bakaJuda eJerusalema.
Imibhalo lengentansi
^ Nobe “leyanikwa ngenkatho.”
^ Lokusho, Lwandle Lolufile.
^ Fundza Tinchazelo Temagama.
^ Lokusho, Lwandle Lolukhulu, iMedithera.
^ Lokusho, Lwandle Lolufile.
^ Nobe “eTsafeni.”
^ Nobe “eliTsafa.”
^ Lokusho, iMedithera.
^ Kungaphindze kubekwe ngekutsi, “washaya tandla asekulembongolo.”
^ Nobe “iNegebhu.”
^ Lokusho kutsi “Tiyalu Temanti.”
^ Kungaphindze kubekwe ngekutsi, “neGedera netibaya tayo tetimvu.”
^ Nobe “labekakhelene.”
^ Nobe “labekakhelene.”
^ Lokusho, iMedithera.