Joshuwa
16:1-10
16 Live lelaniketwa* bantfwana baJosefa+ ngenkatho+ belisuka eJordane ngaseJerikho kuya emitfonjeni yemanti lesemphumalanga yeJerikho, kwendlula lihlane nawenyuka kusuka eJerikho kuya esifundzeni lesinetintsaba saseBetheli.+
2 Belihamba kusukela eBetheli leseceleni kweLuzi futsi lichubeke liye emnceleni wema-Akhi e-Atharothe,
3 bese lehlela entasi ngasenshonalanga liye emnceleni wemaJafulethi kuze kuyewufika emnceleni weBhethi-horoni Lengentasi+ kanye neGezeri,+ futsi beliphelela elwandle.
4 Ngako boManase na-Efrayimu, lababantfwana baJosefa,+ balitsatsa live labo.+
5 Umncele webantfwana ba-Efrayimu ngemindeni yabo bewume ngalendlela: Umncele welifa labo emphumalanga bekuyi-Atharothe-adari+ kuze kuyewufika eBhethi-horoni Lengenhla,+
6 futsi bewuhamba uze uyewufika elwandle. IMikmethathi+ beyisenyakatfo, futsi lomncele bewuhamba ujikele emphumalanga uye eThanathi-shilo, wendlule emphumalanga uze uyewufika eJanoha.
7 Bewewukela kusukela eJanoha uye e-Atharothe kanye naseNara uze uyewufika eJerikho+ bese uchubekela eJordane.
8 Kusuka eThaphuwa+ lomncele bowuchubekela enshonalanga uye eSigodzini saseKhana futsi bewugcina elwandle.+ Leli lifa lesive saka-Efrayimu ngemindeni yaso.
9 Bantfwana ba-Efrayimu bebanemadolobha abo emkhatsini welifa lesive sakaManase,+ lokufaka ekhatsi onkhe emadolobha kanye nemadolobhana awo.
10 Kodvwa abazange bawacoshe emaKhenani labekahlala eGezeri.+ Kuze kube ngulamuhla emaKhenani asahlala nebaka-Efrayimu+ futsi atigcili tabo.+
Imibhalo lengentansi
^ Nobe “lelabelwa.”
