Joshuwa
19:1-51
19 Ngemuva kwaloko inkatho yesibili+ yawela kuSimeyoni,+ lokusive sakhe ngemindeni yaso. Lifa lalesive belisendzaweni yelifa lakaJuda.+
2 Lifa laso bekuyiBherisheba+ neSheba, iMolada,+
3 iHasari-shuwali,+ iBhala, i-Esemu,+
4 i-Eltholadi,+ iBhethuli, iHoma,
5 iSikilagi,+ iBhethi-makhabothi, iHasari-susa,
6 iBhethi-lebayothi+ neSharuheni. Bekungemadolobha langu-13 kanye nemadolobhana awo;
7 i-Ayini, iRimona, i-Etheri kanye ne-Ashani.+ Bekungemadolobha lamane kanye nemadolobhana awo;
8 nawo onkhe emadolobhana labekaseceleni kwalamadolobha kuze kuyewufika eBhalathi-bheri, lokuyiRama lebeyiseningizimu. Leli bekulifa lesive sakaSimeyoni ngemindeni yaso.
9 Lifa lebantfwana baSimeyoni latsatfwa endzaweni lebeyilifa lesive sakaJuda, ngobe sive sakaJuda besinendzawo lenkhulu kakhulu kunaso. Ngako bantfwana baSimeyoni batfola lifa labo emkhatsini welifa lakaJuda.+
10 Ngemuva kwaloko inkatho yesitsatfu+ yawela kubantfwana baZebuloni+ ngemindeni yabo, futsi umncele welifa labo bewuhamba uze uyewufika eSaridi.
11 Umncele wabo wawenyukela enshonalanga uye eMarala uze uyewufika eDabheshethi, wendlulele nasesihosheni lesisembikweJokneyamu.
12 Bewusuka eSaridi uye emphumalanga, wendlulele emnceleni weKhislothi-thabori, uphumele eDabherathi+ bese ukhuphukela eJafiya.
13 Nawusuka lapho bewuchubekela emphumalanga uye eGathi-heferi,+ uchubekele nase-Ethi-kasini, futsi uphumele eRimona bese uhamba uze uyewufika eNeya.
14 Lomncele bewuhamba ugudle enyakatfo uye eHanathoni futsi bewuphelela eSihosheni saseJifta-eli,
15 eKhathathi, eNahalali, eShimroni,+ eJidala kanye naseBhetlehema.+ Bekungemadolobha langu-12 kanye nemadolobhana awo.
16 Leli bekulifa lebantfwana baZebuloni ngemindeni yabo,+ futsi lawa bekungemadolobha abo kanye nemadolobhana awo.
17 Inkatho yesine+ yawela ku-Isakhari,+ lokubantfwana ba-Isakhari ngemindeni yabo.
18 Umncele wabo bewuseJezreyeli,+ eKhesulothi, eShunemu,+
19 eHafarayimu, eShiyoni, e-Anaharathi,
20 eRabhithi, eKhishiyoni, e-Ebesi,
21 eRemethi, e-Eni-ganimu,+ e-Eni-hada naseBhethi-phasesi.
22 Lomncele bewuhamba uze uyewufika eThabori,+ eShahasima naseBhethi-shemeshi, futsi bewuphelela eJordane. Bekungemadolobha langu-16 kanye nemadolobhana awo.
23 Leli bekulifa lesive saka-Isakhari ngemindeni yaso,+ lokungemadolobha kanye nemadolobhana awo.
24 Inkatho yesihlanu+ yawela esiveni saka-Asheri+ ngemindeni yaso.
25 Umncele walesive bekuyiHelkathi,+ iHali, iBheteni, i-Akshafu,
26 i-Alameleki, i-Amadi, neMishali. Bewuhamba uze uyewufika enshonalanga, uye eKhameli+ naseShihori-libnathi,
27 futsi bewujikela emphumalanga uye eBhethi-dagoni uze uyewufika kaZebuloni kanye naseSihosheni saseJifta-eli enyakatfo, uchubekele eBhethi-emeki naseNeyiyeli, futsi bewuhamba uze uyewufika ngesencele seKhabuli,
28 uye nase-Ebroni, eRehobu, eHamoni naseKhana uze uyewufika eSidoni Lenkhulu.+
29 Lomncele bewujika uye eRama uze uyewufika edolobheni lelibiyelwe laseThire.+ Bewubese uyajika uya eHosa, futsi uphelele elwandle lolusesifundzeni sase-Akzibi,
30 e-Uma, e-Afeki+ kanye naseRehobu.+ Bekungemadolobha langu-22 kanye nemadolobhana awo.
31 Leli bekulifa lesive saka-Asheri ngemindeni yaso,+ futsi lawa bekungemadolobha kanye nemadolobhana awo.
32 Inkatho yesitfupha+ yawela kubantfwana baNaftali, lokubantfwana bakhe ngemindeni yabo.
33 Umncele wabo bewusuka eHelefu, kusukela esihlahleni lesikhulu lesiseSananimu,+ nase-Adami-nekhebi kanye naseJabniyeli kuze kuyewufika eLakhumu futsi bewuphelela eJordane.
34 Lomncele bewujikela enshonalanga uye e-Aznothi-thabhori, kusuka lapho bewuhamba uze uyewufika eHukhoki, ufike kaZebuloni ngaseningizimu, uye ka-Asheri ngasenshonalanga kanye nakaJuda eJordane nawubheka emphumalanga.
35 Emadolobha labiyelwe bekuyiSidimu, iSeri, iHamathi,+ iRakhathi, iKhinerethi,
36 i-Adama, iRama, iHasori,+
37 iKhedeshi,+ i-Edreyi, i-Eni-hasori,
38 iJironi, iMigdali-eli, iHoremu, iBhethi-anathi, kanye neBhethi-shemeshi.+ Bekungemadolobha langu-19 kanye nemadolobhana awo.
39 Leli bekulifa lesive sakaNaftali ngemindeni yaso,+ lokungemadolobha kanye nemadolobhana awo.
40 Inkatho yesi-7+ yawela esiveni sakaDani+ ngemindeni yaso.
41 Umncele waso bekuyiSora,+ i-Eshtayoli, i-Iri-shemeshi,
42 iShalabimu,+ i-Ayaloni,+ iJithila,
43 i-Eloni, iThimna,+ i-Ekroni,+
44 i-Eltheke, iGibhethoni,+ iBhalathi,
45 iJehudi, iBhene-bheraki, iGathi-rimoni,+
46 iMe-jakhoni neRakhoni, futsi lomncele bewubukene neJopha.+
47 Kodvwa indzawo yesive sakaDani beyiyincane kakhulu kunaso.+ Ngako lesive sakhuphuka sayokulwa neLeshemu,+ sayihlasela saphindze sayicotfula ngenkemba. Ngemuva kwaloko satsatsa lelive sahlala kulo, sase sishintja ligama leLeshemu satsi yiDani njengobe khokho waso bekunguDani.+
48 Leli bekulifa lesive sakaDani ngemindeni yaso, futsi lawa bekungemadolobha kanye nemadolobhana awo.
49 Ngako bacedza kwehlukaniselana lelive ngetindzawo talo kuze libe lifa. Ngemuva kwaloko ema-Israyeli anika Joshuwa indvodzana yaNuni lifa emkhatsini wawo.
50 Ngesicondziso lesivela kuJehova, ema-Israyeli amniketa lidolobha lalicela, lokuyiThimnathi-sera+ lebeyisesifundzeni lesinetintsaba saka-Efrayimu, futsi wakha lelidolobha wase uhlala kulo.
51 Leli-ke ngilo lifa Eliyezeri umphristi, Joshuwa indvodzana yaNuni kanye netinhloko temindeni yetive taka-Israyeli labalehlukanisa+ ngenkatho eShilo+ embikwaJehova, emnyango welithende lekuhlangana.+ Ngako-ke bacedza kwaba lelive.
