Joshuwa
21:1-45
21 Tinhloko tetindlu temaLevi taya ku-Eliyezeri+ umphristi, kuJoshuwa indvodzana yaNuni nakulabatinhloko tetindlu tesive sema-Israyeli,
2 takhuluma nabo eShilo+ leseveni laseKhenani tatsi: “Jehova wakhipha umyalo ngaMosi kutsi kufanele siniketwe emadolobha lesitawuhlala kuwo kanye nemadlelo emfuyo yetfu.”+
3 Ngako ema-Israyeli aniketa emaLevi lamadolobha+ nemadlelo awo etindzaweni letilifa lawo,+ njengobe nje Jehova abeshito.
4 Inkatho yaya emindenini yemaKhohati,+ futsi emaLevi labeyintalelwane ya-Aroni umphristi aniketwa ngenkatho* emadolobha langu-13 latsatfwa esiveni sakaJuda,+ sakaSimeyoni+ nesakaBhenjamini.+
5 Onkhe lamanye emaKhohati abelwa* emadolobha langu-10 latsatfwa emindenini yesive saka-Efrayimu,+ sakaDani nasehhafini yesive sakaManase.+
6 EmaGeshoni+ abelwa emadolobha langu-13 latsatfwa emindenini yesive saka-Isakhari, saka-Asheri, sakaNaftali nasehhafini yesive sakaManase eBhashani.+
7 EmaMerari+ ngemindeni yawo aniketwa emadolobha langu-12 latsatfwa esiveni sakaRubeni, sakaGadi nesakaZebuloni.+
8 Ngako ema-Israyeli aniketa emaLevi lamadolobha nemadlelo awo ngenkatho, njengobe nje Jehova abeshito ngaMosi.+
9 Nankha emagama emadolobha labawanika wona esiveni sakaJuda nesakaSimeyoni,+
10 futsi aniketwa emadvodzana a-Aroni labekavela emindenini yemaKhohati yesive semaLevi, ngobe inkatho yaya kuwo kucala.
11 Bawaniketa iKhiriyathi-abha+ (Abha abengubabe wa-Anaki), lokuyiHebroni,+ lesesifundzeni lesinetintsaba sakaJuda, kanye nemadlelo labekaseceleni kwayo.
12 Kodvwa siganga salelidolobha kanye nemadolobhana alo bakunika Khalebi indvodzana yaJefune, kwaba lifa lakhe.+
13 Emadvodzana a-Aroni umphristi bawanika iHebroni+ nemadlelo ayo kuze ibe lidolobha lekukhosela lemuntfu lobulele lomunye,+ bawanika neLibna+ nemadlelo ayo,
14 iJathiri+ nemadlelo ayo, i-Eshtemoya+ nemadlelo ayo,
15 iHoloni+ nemadlelo ayo, iDebiri+ nemadlelo ayo,
16 i-Ayini+ nemadlelo ayo, iJutha+ nemadlelo ayo, kanye neBhethi-shemeshi nemadlelo ayo. Kuletive letimbili kwatsatfwa emadolobha langu-9.
17 Esiveni sakaBhenjamini anikwa iGibeyoni+ nemadlelo ayo, iGeba nemadlelo ayo,+
18 i-Anathothi+ nemadlelo ayo, kanye ne-Almoni nemadlelo ayo. Bekungemadolobha lamane.
19 Asawonkhe emadolobha laniketwa baphristi, lokuyintalelwane ya-Aroni, abengu-13 kanye nemadlelo awo.+
20 Yonkhe leminye imindeni yemaKhohati lesesiveni semaLevi yaniketwa ngenkatho emadolobha latsatfwa esiveni saka-Efrayimu.
21 Yaniketwa lidolobha lekukhosela lemuntfu lobulele lomunye,+ lokuyiShekhemu+ nemadlelo ayo esifundzeni lesinetintsaba saka-Efrayimu, yaniketwa neGezeri+ nemadlelo ayo,
22 iKhibsayimu nemadlelo ayo kanye neBhethi-horoni+ nemadlelo ayo. Bekungemadolobha lamane.
23 Esiveni sakaDani kwaba yi-Eltheke nemadlelo ayo, iGibhethoni nemadlelo ayo,
24 i-Ayaloni+ nemadlelo ayo kanye neGathi-rimoni nemadlelo ayo. Bekungemadolobha lamane.
25 Ehhafini yesive sakaManase kwaba yiThanaki+ nemadlelo ayo neGathi-rimoni nemadlelo ayo. Bekungemadolobha lamabili.
26 Asawonkhe emadolobha nemadlelo awo latfolwa nguleleminye imindeni yemaKhohati abengu-10.
27 Ehhafini yesive sakaManase, emaGeshoni+ lavela emindenini yemaLevi atfola lidolobha lekukhosela lemuntfu lobulele lomunye, lokuyiGolani+ leseBhashani kanye nemadlelo ayo, atfola neBhe Eshtera nemadlelo ayo. Bekungemadolobha lamabili.
28 Esiveni saka-Isakhari+ kwaba yiKhishiyoni nemadlelo ayo, iDabherathi+ nemadlelo ayo,
29 iJamuthi nemadlelo ayo kanye ne-Eni-ganimu nemadlelo ayo. Bekungemadolobha lamane.
30 Esiveni saka-Asheri+ kwaba yiMishali nemadlelo ayo, i-Abdoni nemadlelo ayo,
31 iHelkathi+ nemadlelo ayo kanye neRehobu+ nemadlelo ayo. Bekungemadolobha lamane.
32 Esiveni sakaNaftali aniketwa lidolobha lekukhosela+ lemuntfu lobulele lomunye, lokuyiKhedeshi+ leseGalile nemadlelo ayo, iHamothi-dori nemadlelo ayo kanye neKhathani nemadlelo ayo. Bekungemadolobha lamatsatfu.
33 Asawonkhe emadolobha laniketwa emaGeshoni ngemindeni yawo abengu-13 kanye nemadlelo awo.
34 Sive sakaZebuloni+ sanika imindeni yemaMerari,+ lebekungulamanye emaLevi labesele, iJokneyamu+ nemadlelo ayo, iKhatha nemadlelo ayo,
35 iDimna nemadlelo ayo kanye neNahalali+ nemadlelo ayo. Bekungemadolobha lamane.
36 Esiveni sakaRubeni kwaba yiBheseri+ nemadlelo ayo, iJahasi nemadlelo ayo,+
37 iKhedemothi nemadlelo ayo kanye neMefathi nemadlelo ayo. Bekungemadolobha lamane.
38 Esiveni sakaGadi+ aniketwa lidolobha lekukhosela lemuntfu lobulele lomunye, lokuyiRamothi eGileyadi+ nemadlelo ayo, iMahanayimu+ nemadlelo ayo,
39 iHeshboni+ nemadlelo ayo kanye neJazeri+ nemadlelo ayo. Bekungemadolobha lamane asawonkhe.
40 Asawonkhe emadolobha laniketwa emaMerari ngemindeni yawo, lebekunguleminye imindeni yemaLevi lebeyisele, bekungemadolobha langu-12.
41 Asawonkhe emadolobha emaLevi latsatfwa endzaweni lelifa lema-Israyeli, abengu-48 nemadlelo awo.+
42 Lidolobha ngalinye belinemadlelo lalitungeletile, futsi bekunjalo kuwo onkhe lamadolobha.
43 Ngako Jehova waniketa ema-Israyeli lonkhe lelive labefunge kulinika bokhokho bawo.+ Alitsatsa laba lifa lawo ase ahlala kulo.+
44 Ngetulu kwaloko, Jehova wawaniketa kuphumula kuto tonkhe titsa lebetiwatungeletile, njengobe nje abefungile kubokhokho bawo,+ futsi kute ngisho nasinye sitsa sawo lesakhona kumelana nawo.+ Jehova wanikela tonkhe titsa tema-Israyeli esandleni sawo.+
45 Kute ngisho nasinye setsembiso* lesingazange sigcwaliseke kuto tonkhe tetsembiso letinhle Jehova labetishito endlini yaka-Israyeli. Tonkhe tagcwaliseka.+