Joweli 1:1-20
1 Nali livi laJehova lelefika kuJoweli* indvodzana yaPhethuweli:
2 “Lalelani loku nine madvodza lamadzala,Futsi nilalelisise nonkhe nine lenihlala eveni.*
Yake yenteka yini intfo lenjena esikhatsini senuNobe esikhatsini sabokhokho benu?+
3 Cocelani emadvodzana enu ngayo,Nemadvodzana enu acocele emadvodzana awo,Nemadvodzana awo acocele situkulwane lesitako.
4 Loko lokushiywe sikhonyane lesicotfulako, kudliwe libulo letintsetse;+Naloko lokushiywe libulo letintsetse, kudliwe tintsetse letite timphiko;Futsi loko lokushiywe tintsetse letite timphiko kudliwe sikhonyane lesishwabadzelako.+
5 Vukani nine tidzakwa,+ futsi nilile!
Lilani nonkhe nine leninatsa liwayini,Ngobe liwayini lelinongotelako lisusiwe emilonyeni yenu.+
6 Eveni lakitsi kufike sive lesinemandla nalesingeke sibalwe.+
Ematinyo aso ngematinyo elibhubesi,+ nemihlatsi yaso yimihlatsi yelibhubesi.
7 Sicotfule insimu yami yemagilebisi futsi sashiya siphunti sesihlahla sami semakhiwa,Sebule konkhe sakulahla khashane,Sashiya emagala amhlophe.
8 Lila njengentfombi ntfo* legcoke indvwangu yelisakaNayililela umyeni* webusha bayo.
9 Umnikelo walokutinhlavu+ nemnikelo walokunatfwako+ sewuphelile endlini yaJehova;Tinceku taJehova letibaphristi tiyalila.
10 Insimu icotfuliwe, umhlabatsi uyalila;+Ngobe lokutinhlavu kucotfuliwe, liwayini lelisha liphelile, nemafutsa aphelile.+
11 Balimi bakhatsatekile, tisebenti tasemasimini emagilebisi tiyalila,Ngenca yakolo nebhali;Ngobe sivuno sasemasimini sesishabalele.
12 Tihlahla temagilebisi tomile,Sihlahla semkhiwa sibunile.
Emahananandza,* lusundvu nemahhabhula,Tonkhe tihlahla letisemasimini tomile;+Ngobe injabulo igucuke yaba lihlazo kubantfu.
13 Gcokani tindvwangu temasaka* futsi nilile* nine baphristi;Lilani nine tinceku tase-al’thare.+
Wotani futsi nicitse busuku nigcoke emasaka, nine tinceku taNkulunkulu wami;Ngobe umnikelo walokutinhlavu+ nemnikelo walokunatfwako+ awusatfolakali endlini yaNkulunkulu wenu.
14 Memetelani* kutsi kuzilwe kudla; bitani umbutsano lokhetsekile;+Hlanganisani emadvodza lamadzala kanye nabo bonkhe bantfu labahlala kulelive,Baye endlini yaJehova Nkulunkulu wenu,+ futsi nikhalele lusito kuJehova.
15 Maye ngenca yalelolanga!
Ngobe lilanga laJehova selisondzele,+Futsi litawufika njengembhubhiso levela kuSomandla!
16 Kudla akukatsatfwa yini sibukile,Kujabula kanye nekutfokota akukatsatfwa yini endlini yaNkulunkulu wetfu?
17 Inhlanyelo* yomele ngephansi kwemafosholo abo.
Tincolobane setite lutfo.
Tinyango tiwisiwe ngobe lokutinhlavu sekomile.
18 Ngisho nemfuyo iyalila!
Imihlambi yetinkhomo iyayingayinga ngobe ite emadlelo!
Nemihlambi yetimvu itfola lesijeziso.
19 Awu Jehova, ngitawubita wena;+Ngobe umlilo ungcongcise emadlelo asehlane,Nelilangabi lidle tonkhe tihlahla letisensimini.
20 Ngisho netilwane tesiganga tilangatelela wena,Ngobe imifudlana ishileNemlilo ungcongcise emadlelo asehlane.”
Imibhalo lengentansi
^ Lokusho kutsi “Jehova NguNkulunkulu.”
^ Nobe “emhlabeni.”
^ Nobe “njengentfombi.”
^ Nobe “indvodza yebusha.”
^ Nobe “Emaphomegranathi.”
^ NgesiHebheru kutsi, “Tibopheni ngetingubo temasaka.”
^ Nobe “nishaye tifuba tenu.”
^ NgesiHebheru kutsi, “Ngcwelisani kuzila kudla.”
^ Kungaphindze kubekwe ngekutsi, “Emakhiwa lomisiwe.”
