Malakhi 4:1-6
4 Jehova wemabutfo utsi: “Liyeta lilanga lelivutsa njengemlilo lohhumako,+ lapho bonkhe labatikhukhumetako nalabenta bubi batawufanana netinhlanga. Lelilanga lelitako nakanjani litawubashwabadzela, futsi angeke libashiyele imphandze nobe ligala.
2 Kodvwa kini nine lenihlonipha* libito lami, kutawukhanya lilanga leliletsa kulunga, futsi imisebe* yalo itanelapha; nine nitawugcumagcuma njengematfole lakhuluphele.”
3 Jehova wemabutfo utsi: “Nine nitawugcobagcoba lababi ngetinyawo tenu, ngobe batawufanana nelutfuli ngaphansi kwetinyawo tenu ngelilanga lengiyawutsatsa ngalo sinyatselo.
4 “Khumbulani uMtsetfo wenceku yami Mosi, imiyalo kanye netehlulelo lengayitjela tona eHorebe kuze onkhe ema-Israyeli awulalele.+
5 “Ngitfumela kini Elija umphrofethi+ lisengakefiki lilanga laJehova lelikhulu nalelesabekako.+
6 Yena utawubuyisela tinhlitiyo tabobabe emadvodzaneni,+ netinhlitiyo temadvodzana kubobabe, kuze ngingafiki ngishaye umhlaba, ngiwunikele ekubhujisweni.”
