Mikha 3:1-12
3 Mine ngitsite: “Ngicela nilalele nine tinhloko tendlu yaJakobeNani nine baholi bebantfu baka-Israyeli.+
Kufanele ngabe niyakwati lokulungile.
2 Kodvwa niyakutondza lokuhle,+ futsi nitsandza lokubi;+Nebula sikhumba sebantfu bami, nisuse nenyama ematsanjeni abo.+
3 Niphindze nidle inyama yebantfu bakitsi+Nigugubule nesikhumba sabo,Nephula ematsambo abo futsi niwafihlite abe ticucu+Kuhle kwematsambo nenyama lokuphekwa ngelibhodo.*
4 Kutawufika sikhatsi lapho nitawukhala kuJehova nicele lusito,Kodvwa yena angeke aniphendvule.
Ngaleso sikhatsi utanifihlela buso bakhe,+Ngenca yetento tenu letimbi.+
5 Naku-ke lokushiwo nguJehova mayelana nebaphrofethi labadukisa bantfu bakitsi,+Labo labatsi nabanikwa lokutsite labangakudla*+ bamemetele batsi: ‘Kuthula!’+
Kodvwa babesabise* ngemphi labo labangabaniki lutfo. Nkulunkulu utsi:
6 ‘Butawufika busuku;+ kodvwa angeke niyibone imibono;+Kutawuba mnyama nje kuphela, kodvwa ningakhoni kuphengula.
Baphrofethi batawushonelwa lilanga,Futsi kukhanya kutawugucuka kube bumnyama kubo.+
7 Lababona imibono batawuhlazeka,+Nalabaphengulako batawujabha.
Bonkhe batawuvala imilomo* yabo ngetandla,Ngobe Nkulunkulu akaphendvuli.’”
8 Kodvwa umoya waJehova ungiphe emandla lamanyenti,Ungisita kutsi ngente tintfo ngekulunga futsi ngibe nesibindziSekutjela Jakobe ngelicala lakhe nesekutjela Israyeli ngesono sakhe.
9 Ngicela nilalele nine tinhloko tendlu yaJakobeNani nine baholi bebantfu baka-Israyeli,+Nine lenikwenyanyako kwenta tintfo ngekulunga futsi lenigucula konkhe lokuhle kube ngulokubi,+
10 Nine lenibulala bantfu kuze nakhe iSiyoni futsi nente tintfo letimbi kuze nakhe iJerusalema.+
11 Baholi* bakulelidolobha bafuna kudizelwa kuze behlulele,+Baphristi bona bafuna kubhadalwa kuze bafundzise,+Nebaphrofethi bafuna kunikwa imali* kuze baphengule.+
Kodvwa betsembela kuJehova,* batsi:
“Angitsi Jehova unatsi?+
Kute inhlekelele letasehlela.”+
12 Ngenca yenuISiyoni itawulinywa kuhle kwensimu,IJerusalema itawuba tindzala+Futsi intsaba yelithempeli* itawufanana netindzawo letiphakeme letisehlatsini.*+
Imibhalo lengentansi
^ Nobe “ngelibhodo lelikhulu.”
^ Kungaphindze kubekwe ngekutsi, “labangakuhlafuna.”
^ NgesiHebheru kutsi, “bangcwelise.”
^ Nobe “batawubamba emadzevu.”
^ Nobe “benta ngatsi betsembele kuJehova.”
^ Nobe “lisiliva.”
^ NgesiHebheru kutsi, “Tinhloko.”
^ NgesiHebheru kutsi, “yeNdlu.”
^ Nobe “nemagcuma lanetihlahla letinyenti.”
