Nahume 2:1-13
2 Loyo lotakuhlakata sewufikile kute amelane nawe.*+
Gadza tindzawo letivikelekile.
Gadza nasemgwacweni.
Yentani konkhe lokusemandleni enu kute nilungele imphi.
2 Ngobe Jehova utawubuyisela ludvumo lwaJakobe,Kanye neludvumo lwa-Israyeli,Ngobe babhubhisi bababhubhisile,+Futsi bacotfule emasimu abo emagilebisi.
3 Emahawu esitsa seNineve apendwe aba bovu,Emasotja aso langemachawe agcoke tembatfo letibovu tju!
Tinsimbi lokwakhiwe ngato tincola taso temphi tikhanya njengemliloNgelilanga lalungiselela ngalo imphi,Nemasotja langemachawe ajikitisa tikhali tawo temphi letakhiwe ngemjunipha.
4 Tincola temphi tigijima shengatsi tiyahlanya etitaladini.
Tehla tiyenyuka etindzaweni tawonkhe wonkhe.
Tikhanya njengetibane letivutsako futsi timanyata njengembane.
5 Lesitsa sitawubita tikhulu taso.
Titawugileka njengobe tihamba.
Titawugijimela kutsi tifike elubondzeni lwayo;Titawubeka umncele.
6 Emagede emifula atawuvulwa,Futsi sigodlo sitawubhidlika.
7 Loko kushayelwe umtsetfo:* Lelidolobha livetwe ebaleni,Litsetfwe, futsi emantfombatane alo latigcili ayalila;Evakala shengatsi ngematuba njengobe ashaya emabele awo.*
8 Kuwo onkhe emalanga ayo, iNineve+ beyifana nesitiba semanti,Kodvwa manje bantfu bayabaleka.
Labanye bayamemeta batsi: “Manini! Manini!”
Kodvwa kute lobuyela emuva.+
9 Titsatseleni lisiliva, nititsatsele neligolide!
Tintfo letiligugu tinyenti kakhulu.
Igcwaliswe ngalolonkhe luhlobo lwetintfo letiligugu.
10 Lelidolobha alinalutfo, kute lokuhlala kulo, libhujisiwe!+
Tinhlitiyo tabo tigcwele kwesaba, emadvolo abo ayacegetela, tingculu tabo tiyachachatela;Buso babo bonkhe bukhombisa kwesaba.
11 Ikuphi indzawo lehlala emabhubesi,+ lapho emabhubesi lasemancane* amunyiselwa khona,Lapho libhubesi lihamba nemntfwana walo khona,Futsi lakute khona longawenta esabe?
12 Libhubesi lidzabudzabule tilwane letenele kute londle bantfwana baloFutsi lekhame laphindze labulalela emabhubesi alo lamasikati tinyamatane.
Ligcwalise tindzawo talo ngetinyamatane,Futsi litigcwalise ngetilwane lelitidzabudzabulile.
13 Jehova wemabutfo utsi: “Ngimelene nawe,+Tincola takho temphi ngitatishisa tiphele nya!+
Futsi inkemba itawushwabadzela emabhubesi akho lasemancane.*
Tinyamatane takho ngitatisusa emhlabeni,Nemsindvo wetitfunywa takho angeke uphindze uvakale.”+
Imibhalo lengentansi
^ Lokusho, iNineve.
^ Nobe “kumisiwe.”
^ NgesiHebheru kutsi, “tinhlitiyo.”
^ Nobe “emabhubesi lasemancane lanemdlonga.”
^ Nobe “emabhubesi lasemancane lanemdlonga.”
