Nahume 3:1-19
3 Maye kulelidolobha lelicitsa ingati!
Ligcwele kukhohlakala nekukhwabanisa.
Alihlali lingenayo inyamatane leliyitingele!
2 Ngiva umsindvo wesiswebhu nebukhehlekhehle bemasondvo,Futsi ngibona lihhashi leligijima ngemandla kanye nencola legcumagcumako.
3 Umgibeli welihhashi, inkemba lemanyatelako, nesikhali lesikhatitelako,Sicumbi sebantfu lababulewe kabuhlungu kanye netindvundvuma tetidvumbu—Letidvumbu tinyenti kakhulu.
Bantfu bayachubeka bayagileka futsi bawela etikwaletidvumbu.
4 Loku kungenca yetento letinyenti tebugwadla letentiwa ngulengwadla,Leyo lekhangako futsi lenhle, umfati longumtsakatsi,Lotsiya tive ngebugwadla bakhe kanye nemindeni ngebutsakatsi bakhe.
5 Jehova wemabutfo utsi: “Ngimelene nawe,*+Ngitawuphakamisa tidvwaba takho tize tikumbonye buso;Ngitawubangela tive kutsi tibone bungcunu bakho,Nemibuso kutsi ibone lihlazo lakho.
6 Ngitawulahlela kungcola etikwakhoFutsi ngitakwenta wenyanyeke;Ngitakwenta ube yintfo yekubukwa bantfu.+
7 Wonkhe umuntfu lokubonako utakubalekela,+ atsi:
‘INineve seyibhujisiwe!
Ngubani lotawuvelana nayo?’
Ngitawubatfolaphi labatakudvudvuta?
8 Wena uncono yini kuneNo-amoni,*+ lebeyingasemisedlaneni yeNayili?+
Emanti bekayitungeletile;Umcebo wayo bekulwandle futsi nelubondza lwayo bekulwandle.
9 ITopiya neGibhithe bekungumtfombo wemandla ayo lamakhulu.
IPhuthi+ nebantfu baseLibhiya bebabasiti bayo.*+
10 Ngisho neNo-amoni nayo yatfunjwa;Yaya ekutfunjweni.+
Nebantfwana bayo babulawa kabuhlungu kuwo onkhe emakona etitaladi.*
Bebenta inkatho ngemadvodza ayo lahlonishwako,Futsi onkhe emadvodza ayo latitatanyiswa aboshwe ngetinketane.
11 Nawe utawudzakwa;+Utawuhamba uyobhaca.
Utawufuna siphephelo esitseni.
12 Tonkhe tindzawo takho letivikelekile tifana netihlahla temakhiwa letinetitselo tekucala letivutsiwe;Natinyakatiswa, emakhiwa atawuhhohlokela emilonyeni yalabawadlako.
13 Emabutfo emasotja akho afana nebafati.
Emagede elive lakho atawuvulwa kakhulu, avulelwe titsa takho.
Umlilo utawushisa tinsimbi temagede akho.
14 Khani* emanti kuze ulungele kuvinjetelwa!+
Cinisa tindzawo takho letivikelekile.
Yehlela esihosheni ufike ubhuce lubumba;*Lungisa nefolomu yekubhaka titini.
15 Ngisho nalapho, umlilo utawucedza ngawe.
Inkemba itakujuba uwele phansi.+
Itakushwabadzela kuhle kwesikhonyane.+
Shengatsi bantfu bakho bangaba banyenti ngangesikhonyane.
Yebo, shengatsi bangaba banyenti ngangesikhonyane!
16 Ubandzisile batsengisi bakho baba banyenti kwengca tinkhanyeti letisesibhakabhakeni.
Lesikhonyane siyebuta bese siyandiza sihambe.
17 Bogadzi bakho bafana nalesikhonyane,Futsi tindvuna takho tinjengelibulo lesikhonyane,Lihlala elubondzeni lolwakhiwe ngematje nakumakhata,Kodvwa nakuphuma lilanga, liyandiza lihambe;Futsi kute lowatiko kutsi likuphi.
18 Awu nkhosi yase-Asiriya, belusi bakho bayetela;Bantfu bakho labahloniphekile bahlala etindlini tabo.
Bantfu bakho basakatekele etintsabeni,Futsi kute lobahlanganisa ndzawonye.+
19 Kute lokungalamulela iNineve kulenhlekelele.
Linceba layo angeke lize liphole.
Bonkhe labeva umbiko lomayelana nayo batawushaya tandla;+Ngobe ngubani nje longakase wahlushwa ngiyo kabuhlungu?”+
Imibhalo lengentansi
^ Lokusho, iNineve.
^ Lokusho, iThebesi.
^ NgesiHebheru kutsi, “bakho.”
^ NgesiHebheru kutsi, “etinhloko tato tonkhe titaladi.”
^ Nobe “Dvonsa.”
^ Nobe “ludzaka.”
