Nehemiya 10:1-39
10 Ngulaba-ke labafakazela lesivumelwane ngekubeka luphawu lwabo kuso:+
Nehemiya umbusi,* loyindvodzana yaHakaliya,Sedekiya,
2 Seraya, Azariya, Jeremiya,
3 Phashuri, Amariya, Malkhiya,
4 Hathushi, Shebaniya, Maluki,
5 Harimi,+ Meremothi, Obadiya,
6 Danyela,+ Ginethoni, Bharuki,
7 Meshulamu, Abiya, Mijamini,
8 Masiya, Bilgayi, naShemaya; futsi laba bebabaphristi.
9 KumaLevi bekungulaba: Jeshuwa indvodzana ya-Azaniya, Binuwi lovela emadvodzaneni aHenadadi, Khadmiyeli,+
10 Shebaniya, Hodiya, Khelita, Phelaya, Hanana,
11 Mikha, Rehobi, Hashabiya,
12 Zakhuri, Sherebiya,+ Shebaniya,
13 Hodiya, Bani naBeninu.
14 Tinhloko talabantfu bekunguleti: Pharoshi, Phahathi-mowabi,+ Elamu, Zathu, Bani,
15 Buni, Azgadi, Bebayi,
16 Adoniya, Bikvayi, Adini,
17 Ateri, Hezekiya, Azuri,
18 Hodiya, Hashumi, Bhezayi,
19 Harifi, Anathothi, Nebayi,
20 Magphiyashi, Meshulamu, Heziri,
21 Meshezabeli, Sadoki, Jaduya,
22 Phelatiya, Hanana, Anaya,
23 Hosheya, Hananiya, Hashubi,
24 Haloheshi, Philha, Shobeki,
25 Rehumi, Hashabna, Maseya,
26 Ahiya, Hanana, Anana,
27 Maluki, Harimi naBhana.
28 Bonkhe lalabanye bantfu, lobekubaphristi, emaLevi, bogadzi basesangweni, bahlabeleli, tisebenti tasethempelini* nabo bonkhe labebatehlukanisile kubantfu bakuletinye tive kute balalele uMtsetfo waNkulunkulu weliciniso,+ kanye nebafati babo, emadvodzana abo nemadvodzakati abo, lokungibo bonkhe labebanelwati nekucondza,*
29 batihlanganisa nabomnakabo, lokungemadvodza lahlonishwako, futsi batibopha ngesicalekiso nangesifungo sekutsi batawulalela uMtsetfo waNkulunkulu weliciniso, lowaniketwa ema-Israyeli ngaMosi inceku yaNkulunkulu weliciniso, nekutsi batayigcina ngekucophelela yonkhe imiyalo yaJehova iNkhosi yetfu netehlulelo takhe kanye netimiso takhe.
30 Bafunga batsi: “Emadvodzakati etfu ngeke siwendzise kubantfu bakuletinye tive, nemadvodzana etfu ngeke siwatsatsele bafati emadvodzakatini akuletinye tive.+
31 Nangabe bantfu bakuletinye tive baletsa tintfo tabo, nayo yonkhe inhlobo yalokutinhlavu kuze bakutsengise ngeliSabatha, ngeke sitsenge lutfo lwabo ngeliSabatha+ nanganobe nguliphi lelinye lilanga lelingcwele.+ Ngemnyaka wesi-7+ ngeke silime futsi sitawucolela bonkhe labasikweledako.+
32 Ngetulu kwaloko, sitawenta sibopho sekutsi umnyaka nemnyaka, ngamunye wetfu aletse emagremu lamane elisiliva* kuze kwentiwe umsebenti wendlu yaNkulunkulu* wetfu,+
33 kwentiwe tinkhwa letititaki,*+ umnikelo walokutinhlavu+ lowentiwa njalo, umnikelo wekushiswa lowentiwa njalo ngemaSabatha+ nangemikhosi yekwetfwasa kwenyanga,+ kwentiwe nekudla kwangetikhatsi letibekiwe,+ netintfo letingcwele, neminikelo yesono+ kute ema-Israyeli abuyisane naNkulunkulu, futsi kwentiwe nawo wonkhe umsebenti wendlu yaNkulunkulu wetfu.
34 Sitawuphindze sente inkatho kuze sibone kutsi imindeni yebaphristi, yemaLevi neyabo bonkhe bantfu kufanele itiletse nini tinkhuni endlini yaNkulunkulu wetfu ngetikhatsi letimisiwe umnyaka ngemnyaka, kute tibaswe e-al’thare laJehova Nkulunkulu wetfu njengobe kubhaliwe eMtsetfweni.+
35 Umnyaka nemnyaka sitawuletsa titselo tekucala temhlaba wetfu netitselo tekucala tato tonkhe tihlahla tetitselo endlini yaJehova,+
36 sitawuletsa nematibulo etfu labafana newemfuyo yetfu,+ njengobe kubhaliwe eMtsetfweni, siletse nematibulo emihlambi yetfu yetinkhomo, yetimvu neyetimbuti. Loku sitakuletsa endlini yaNkulunkulu wetfu, kubaphristi labasebenta endlini yakhe.+
37 Sitawuletsa netitselo tekucala talokutinhlavu lokuhhatekile,+ iminikelo yetfu, titselo tato tonkhe tihlahla,+ liwayini lelisha nemafutsa,+ sikunike baphristi bakubeke emakamelweni ekugcina tintfo* lasendlini yaNkulunkulu wetfu,+ sitawuletsa nekwelishumi lokubuya eveni letfu sikunike emaLevi,+ ngobe emaLevi ngiwo latsatsa kwelishumi kuwo onkhe emadolobha lesilima* kuwo.
38 Umphristi, loyindvodzana ya-Aroni, kufanele abe nemaLevi nawatsatsa kwelishumi; futsi emaLevi kufanele aletse kwelishumi kuko konkhe lokukwelishumi endlini yaNkulunkulu wetfu,+ akufake emakamelweni* endlu yekugcina tintfo.
39 Ema-Israyeli nemadvodzana emaLevi kufanele aletse iminikelo+ yalokutinhlavu, liwayini lelisha nemafutsa+ emakamelweni* ekugcina tintfo, futsi ngulapho titja tasendzaweni lengcwele tikhona khona kantsi nebaphristi labasebentako, bogadzi basesangweni kanye nebahlabeleli baba lapho. Ngeke siyilahle indlu yaNkulunkulu wetfu.”+
Imibhalo lengentansi
^ Nobe “iThirishatha,” lesi sicu lebesiniketwa umbusi wesifundza ePheresiya.
^ Nobe “emaNethinimu.” NgesiHebheru kutsi, “labanikelwe.”
^ Kungaphindze kubekwe ngekutsi, “bonkhe lebesebakhule ngalokwenele kutsi bangacondza.”
^ NgesiHebheru kutsi, “incenye yinye kuletintsatfu telishekeli.” Lishekeli belilingana nemagremu langu-11.4. Fundza Sandzisanchazo B14.
^ Nobe “welithempeli laNkulunkulu.”
^ Lokusho, sinkhwa lesinikelwe kuNkulunkulu.
^ Loku kufaka ekhatsi nekufuya tilwane.
^ Nobe “etindlini tekudlela.”
^ Nobe “etindlini tekudlela.”
^ Nobe “etindlini tekudlela.”
