Numeri 24:1-25
24 Ngesikhatsi Bhalamu abona kutsi bekumjabulisa* Jehova kubusisa ema-Israyeli, akazange asachubeka nekufuna indlela yekuwaletsela emashwa,+ kodvwa wabese ubuka ngasehlane.
2 Nakaphakamisa emehlo futsi abona ema-Israyeli amise emathende ngekwetive tawo,+ umoya waNkulunkulu wehlela etikwakhe.+
3 Wabese usho nasi saga:+
“Lawa ngemavi aBhalamu indvodzana yaBheyori,Emavi endvodza levulwe emehlo,
4 Emavi aloyo lova livi laNkulunkulu,Lobone umbono lovela kuSomandla,Nalokhotseme, emehlo akhe abe avulekile:+
5 Maye mahle emathende akho Jakobe,Netindzawo takho tekuhlala, wena Israyeli!+
6 Tihamba tize tiyewufika khashane njengetigodzi,+Tifana netingadze letingasemfuleni,Tinjengenhlaba lehlanyelwe nguJehova,Nanjengemisedari leseceleni kwemanti.
7 Kuhlale kuntfontsa emanti emagabheni akhe esikhumba lamabili,Nenhlanyelo* yakhe ihlanyelwe ngasemantini lamanyenti.+
Inkhosi yakhe+ itawuba nemandla kuna-Agagi,+Nembuso wakhe utawuphakanyiswa.+
8 Nkulunkulu uyamkhipha eGibhithe;Kubo ufana netimphondvo tenyatsi.
Utawuticedza tive, letive letimcindzetelako,+Nematsambo ato utawabhasha, futsi atiphahlate ngebutjoki bakhe.
9 Uyanyenya, alale phansi njengelibhubesi,Futsi njengelibhubesi, ngubani longamvusa?
Babusisiwe labo labakubusisako,Bacalekisiwe nalabo labakucalekisako.”+
10 Bhalaki wamtfukutselela kakhulu Bhalamu, waze washaya tandla ngekuphukuta, watsi kuye: “Bengikubitele kutsi utewucalekisa titsa tami,+ kodvwa kute lokwentile ngaphandle kwekutibusisa kuto tonkhe letikhatsi letintsatfu.
11 Vele uhambe ubuyele ekhaya. Mine bengihlose kukuniketa umvuzo lomkhulu,+ kodvwa Jehova walile kutsi uwutfole.”
12 Bhalamu waphendvula Bhalaki watsi: “Angikatitjeli yini titfunywa takho ngatsi:
13 ‘Ngisho nobe Bhalaki anganginika yonkhe indlu yakhe legcwele lisiliva neligolide, ngeke ngente nobe yini lengiyitsandzako* lephambene naloko Jehova langitjele kona, ngisho nobe kuyintfo lenhle nobe lembi. Ngitawukhuluma kuphela loko Jehova latangitjela kona’?+
14 Nyalo ngiyahamba ngibuyela kubantfu bakitsi. Wota ngikutjele loko labantfu labatakwenta kubantfu bakho esikhatsini lesitako.”*
15 Bhalamu wabese usho nasi saga:+
“Lawa ngemavi aBhalamu indvodzana yaBheyori,Emavi endvodza levulwe emehlo,+
16 Emavi aloyo lova livi laNkulunkulu,Loyo lonelwati ngaLosetikwako Konkhe,Nalobone umbono lovela kuSomandlaNgesikhatsi akhotseme, emehlo akhe abe avulekile:
17 Ngitambona, kodvwa hhayi nyalo;Ngitawumati, kodvwa hhayi ngekushesha.
Kutawuvela inkhanyeti+ kuJakobe,Kuphume nentfonga yebukhosi+ ku-Israyeli.+
Nakanjani utawuphihlita libunti laMowabi*+Nelukhakhayi lwemadvodzana latsandza imphi.
18 Edomu utawutsatfwa,+ISeyiri+ nayo itsatfwe titsa tayo,+Israyeli yena utawube akhombisa sibindzi.
19 Kukhona lotawuphuma kuJakobe futsi utawuncoba,+Utawubhubhisa nobe ngubani losele kulelidolobha.”
20 Ngesikhatsi abona ema-Amaleki, wachubeka nekusho lesaga watsi:
“Ema-Amaleki asive sekucala kunaletinye,+Kodvwa ekugcineni atawuphela.”+
21 Nakabona emaKheni,+ wachubeka nekusho lesaga watsi:
“Indzawo yakho yekuhlala iphephile, futsi yakhiwe edvwaleni.
22 Kodvwa kukhona lotawushisa iKheni.
Singakanani sikhatsi lesisele ngaphambi kwekutsi i-Asiriya ikutfumbe?”
23 Wachubeka nekusho lesaga, watsi:
“Maye! Ngubani lotawusindza lapho Nkulunkulu sekenta loku?
24 Kutawuchamuka imikhumbi elugwini lwaseKhithimu,+Ihlasele i-Asiriya,+Itawuphindze ihlasele ne-Ebheri.
Kodvwa nayo* itawushabalala iphele nya.”
25 Ngemuva kwaloko Bhalamu+ wesuka wahamba, wabuyela endzaweni yakubo. NaBhalaki naye wesuka wahamba.
Imibhalo lengentansi
^ NgesiHebheru kutsi, “bekukuhle emehlweni aJehova.”
^ Nobe “Nentalelwane.”
^ NgesiHebheru kutsi, “lesuka enhlitiyweni yami.”
^ Nobe “ekupheleni kwemalanga.”
^ Nobe “tinhlafuno taMowabi.”
^ NgesiHebheru kutsi, “naye.”