Sembulo Lesembulelwa Johane 13:1-18
13 Lodrago* wema etikwesihlabatsi saselwandle.
Ngabese ngibona silwane sesiganga+ senyuka siphuma elwandle,+ sinetimphondvo letingu-10 netinhloko letingu-7, kuletimphondvo taso kunemichele* lengu-10, kantsi etinhloko taso kunemagama lahlambalatako.
2 Lesilwane sesiganga lengasibona besifana nengwe, kepha tinyawo taso betifana netelibhele, umlomo waso bewunjengewelibhubesi. Drago+ wanika lesilwane sesiganga emandla nesihlalo sakhe sebukhosi kanye neligunya lelikhulu.+
3 Ngabona kutsi lenye yetinhloko taso beyilimele kakhulu, kodvwa lelinceba lelibi lelashwa,+ futsi wonkhe umhlaba walandzela lesilwane sesiganga usibabata.
4 Bantfu bamkhonta lodrago ngobe bekanike lesilwane sesiganga ligunya, naso basikhonta batsi: “Ngubani lonjengalesilwane sesiganga, futsi ukhona yini longalwa naso?”
5 Sanikwa umlomo lokhuluma tintfo letinkhulu futsi lohlambalatako, sanikwa neligunya lekwenta matsandza tinyanga letingu-42.+
6 Savula umlomo waso kuze sihlambalate+ Nkulunkulu, futsi sahlambalata libito lakhe, nendzawo yakhe yekuhlala kanye nalabo labahlala ezulwini.+
7 Savunyelwa kutsi silwe nalabangcwele futsi sibancobe,+ sanikwa neligunya etikwato tonkhe tinhlanga, bantfu, tilwimi kanye netive.
8 Bonkhe bantfu labahlala emhlabeni batasikhonta. Kusukela kwasekelwa live,* kute ngisho namunye kubo lokwabhalwa libito lakhe emculwini wekuphila+ weliWundlu lelahlatjwa.+
9 Lonendlebe akeve.+
10 Nangabe umuntfu kufanele atfunjwe, utawutfunjwa. Nangabe lotsite atawubulala ngenkemba,* kufanele abulawe ngenkemba.+ Loku kudzinga kutsi labangcwele+ bacinisele+ futsi babe nekukholwa.+
11 Ngabona lesinye silwane sesiganga siphuma emhlabeni, besinetimphondvo letimbili letinjengeteliwundlu, kodvwa sacala kukhuluma njengadrago.+
12 Lesilwane sesiganga sisebentisa lonkhe ligunya lesilwane sesiganga+ sekucala lesisembikwaso. Senta kutsi umhlaba kanye nalabahlala kuwo bakhonte lesilwane sesiganga sekucala, leselashwa linceba lelibi.+
13 Lesilwane sesiganga senta tibonakaliso letinkhulu, sente ngisho nemlilo kutsi wehle uvela ezulwini ute emhlabeni embikwebantfu.
14 Sidukisa labo labahlala emhlabeni ngenca yetibonakaliso lokwatsiwa sitente embikwesilwane sesiganga, sibe sitjela labo labahlala emhlabeni kutsi bente umfanekiso+ walesilwane sesiganga lesahlatjwa ngenkemba kodvwa sasindza.+
15 Savunyelwa kutsi siphefumulele lomfanekiso walesilwane sesiganga, kuze ukhulume, ubangele nekutsi bonkhe labangavumi kuwukhonta babulawe.
16 Lesilwane sesiganga siphocelela bonkhe bantfu, labancane nalabakhulu, labanjingile nalabeswele, labakhululekile nalabatigcili, kutsi babekwe luphawu etandleni tabo tangesekudla nobe emabuntini,+
17 nekutsi kube bete lotsengako nobe lotsengisako, ngaphandle kwemuntfu lonaloluphawu, lokulibito+ lesilwane sesiganga nobe inombolo yelibito laso.+
18 Loku-ke kudzinga kuhlakanipha: Lonekucondza akabale lenombolo yesilwane sesiganga, ngobe lena yinombolo yemuntfu; lenombolo yaso ngu-666.+
Imibhalo lengentansi
^ Nobe “Inyoka lenkhulu.”
^ Nobe “imichele yasebukhosini.”
^ Loku kusho bantfwana ba-Adamu na-Eva.
^ Kungaphindze kubekwe ngekutsi, “Nangabe lotsite atobulawa ngenkemba.”
