Tihlabelelo 103:1-22
Ingoma yaDavide.
103 Shengatsi ngingamdvumisa Jehova;Angidvumise libito lakhe lelingcwele ngayo yonkhe inhlitiyo yami.
2 Shengatsi ngingamdvumisa Jehova;Shengatsi ngingahlale ngikukhumbula konkhe lakwentile.+
3 Yena ucolela onkhe emaphutsa ami,+Elaphe konkhe kugula kwami;+
4 Ungisindzisa ekufeni,*+Ungitsandza ngelutsandvo lolucotfo futsi ungentela umusa.+
5 Ungenelisa ngetintfo letinhle+ kuko konkhe kuphila kwami,Kuze ngihlale ngimusha futsi nginemandla njengelusweti.+
6 Jehova ubaphatsa ngendlela lelungile+ futsi abehlulele kahleBonkhe labacindzetelekile.+
7 Tindlela takhe watenta tatiwa nguMosi,+Nemisebenti yakhe wayenta yatiwa ngema-Israyeli.+
8 Jehova unesihawu neluvelo,+Uyephuta kutfukutsela futsi lutsandvo lwakhe lolucotfo luyachichima.+
9 Emaphutsa etfu ngeke ahlale awakhumbula,+Futsi angeke ahlale asitfukutselele kuze kube phakadze.+
10 Indlela lasiphatsa ngayo ayiyi ngendlela lesona ngayo,+Nekusijezisa kwakhe akuyi ngemaphutsa lesiwentako.+
11 Njengobe emazulu aphakeme kakhulu kunemhlaba,Mkhulu kangako-ke umusa* lawentela labo labamesabako.+
12 Njengobe imphumalanga ikhashane kakhulu nenshonalanga,Naye utikhweshise kangako-ke tono tetfu kitsi.+
13 Njengobe babe awentela umusa emadvodzana akhe,NaJehova ubentele umusa labo labamesabako.+
14 Ngobe uyati kahle indlela lesakheke ngayo,+Uyakhumbula kutsi silutfuli.+
15 Emalanga emuntfu anjengewetjani;+Uchakaza njengembali yesiganga.+
16 Kodvwa kutsi kungahhusha umoya kuvele kuphele ngayo,Kube ngatsi ayikaze ibe khona.
17 Kepha Jehova utabentela umusa* kuze kube phakadzeLabo labamesabako,+Futsi utawubaphatsa ngendlela lelungile bantfwana bebantfwana babo,+
18 Ente lokufanako nakulabo labagcina sivumelwane sakhe+Nakulabo labatimiselako kugcina imitsetfo yakhe.
19 Jehova usente sema sacina sihlalo sakhe sebukhosi emazulwini;+Futsi konkhe lokukhona kubuswa nguye.+
20 Dvumisani Jehova nonkhe nine tingilosi takhe,+ nine leninemandla lamakhulu,Lenenta loko lakushoko+ futsi lenilalela livi lakhe.
21 Dvumisani Jehova nonkhe nine mabutfo akhe,+Nine tinceku takhe letenta intsandvo yakhe.+
22 Yonkhe indalo yakhe ayidvumise JehovaKuyo yonkhe indzawo labusa kuyo.
Shengatsi ngingamdvumisa Jehova.
Imibhalo lengentansi
^ NgesiHebheru kutsi, “emgodzini.”
^ Nobe “lutsandvo lolucotfo.”
^ Nobe “lutsandvo lolucotfo.”
