Tihlabelelo 118:1-29
118 Bongani Jehova ngobe muhle;+Lutsandvo lwakhe lolucotfo luhlala kuze kube phakadze.
2 Israyeli akatsi:
“Lutsandvo lwakhe lolucotfo luhlala kuze kube phakadze.”
3 Situkulwane sa-Aroni asitsi:
“Lutsandvo lwakhe lolucotfo luhlala kuze kube phakadze.”
4 Labo labesaba Jehova abatsi:
“Lutsandvo lwakhe lolucotfo luhlala kuze kube phakadze.”
5 Ngesikhatsi ngikhatsatekile ngakhala kuJehova;Jehova wangiphendvula futsi wangiletsa endzaweni levikelekile.+
6 Jehova ungakimi, angeke ngesabe.+
Umuntfu angangentani nje?+
7 Jehova ungakimi futsi uyangisita;*+Ngitawubukela nakuncotjwa labo labangenyanyako.+
8 Kuncono kukhosela kuJehovaKunekwetsembela kubantfu.+
9 Kuncono kukhosela kuJehovaKunekwetsembela kubaholi.+
10 Tonkhe tive tangitungeleta,Kodvwa ngenca yekwetsembela egameni laJehova, Ngatikhweshisa kimi.+
11 Tangitungeleta, tangitungeleta yonkhe indzawo,Kodvwa ngenca yekwetsembela egameni laJehova, Ngatikhweshisa kimi.
12 Tangitungeleta njengetinyosi,Kodvwa tacotfulwa ngekushesha njengemanyeva lashiswa ngumlilo.
Ngenca yekwetsembela egameni laJehova, Ngatikhweshisa kimi.+
13 Ngafucwa ngemandla* kuze ngiwe,Kodvwa Jehova wangisita.
14 Jehova uyindzawo yami yekukhosela futsi ungemandla ami,Senguye longisindzisako.+
15 Umsindvo wekujabula newekuncobaUvakala emathendeni alabalungile.
Sandla saJehova sangesekudla senta imisebenti lemikhulu.+
16 Sandla sangesekudla saJehova sincobile;Sandla saJehova sangesekudla senta imisebenti lemikhulu.+
17 Angeke ngife, kodvwa ngitawuphila,Kuze ngikhulume ngemisebenti yaJehova.+
18 Jehova wangijezisa kakhulu,+Kodvwa akazange angiyekelele ngife.+
19 Ngivuleleni emagede ekulunga;+Ngitawungena kuwo futsi ngidvumise Jehova.
20 Leli ligede laJehova.
Lolungile utongena kulo.+
21 Ngitakudvumisa ngobe wena ungiphendvulile,+Futsi senguwe longisindzisako.
22 Litje lelaliwe bakhiSeligucuke laba litje leliyinhloko.*+
23 Lelitje livela kuJehova;+Futsi lihle kitsi.+
24 Leli lilanga Jehova lalibekile;Sitawujabula futsi sitfokote ngalo.
25 Sicela usisindzise Jehova, siyakuncenga!
Jehova, sicela usente sincobe!
26 Ubusisiwe umuntfu lota ngelibito laJehova;+Siyanibusisa sisendlini yaJehova.
27 Jehova unguNkulunkulu;Uyasikhanyisela.+
Hambani nalabo labaya emkhosini, niphatse emagala etandleni tenu,+Nihambe nize niyofika ngasetimphondvweni teli-al’thare.+
28 Wena unguNkulunkulu wami futsi ngitakudvumisa;Ngitakuphakamisa Nkulunkulu wami.+
29 Bongani Jehova+ ngobe muhle;Lutsandvo lwakhe lolucotfo luhlala kuze kube phakadze.+
Imibhalo lengentansi
^ Kungaphindze kubekwe ngekutsi, “ukanye nalabo labangisitako.”
^ Kungaphindze kubekwe ngekutsi, “Wangifuca ngemandla.”
^ NgesiHebheru kutsi, “leliyinhloko lelisekoneni.”
