Tihlabelelo 13:1-6
Sicondziso lesiya kumcondzisi. Ingoma yaDavide.
13 Awu Jehova, utangikhohlwa kuze kube ngunini? Kuze kube phakadze yini?
Kutawuze kube ngunini ungifihlela buso bakho?+
2 Kutawuze kube ngunini ngikhatsatekile,Ngilusizi enhlitiyweni yami onkhe emalanga?
Kutawuze kube ngunini sitsa sami singehlula?+
3 Awu Jehova Nkulunkulu wami, ngibuke futsi ungiphendvule.
Yenta emehlo ami akhanye, kuze ngingafi,*
4 Khona sitsa sami singatokusho sitsi: “Ngimehlulile!”
Ungavumi kutsi labamelene nami bajabule ngenca yekuwa kwami.+
5 Mine ngetsembele emseni* wakho;+Inhlitiyo yami itawujabula nawungisindzisa.+
6 Ngitamhlabelela Jehova, ngobe ungibusise kakhulu.*+
Imibhalo lengentansi
^ NgesiHebheru kutsi, “ngingalali ekufeni.”
^ Nobe “lutsandvo lolucotfo.”
^ Nobe “ungentele lokuhle.”
