Tihlabelelo 143:1-12
Ingoma yaDavide.
143 Awu Jehova, lalela umthantazo wami;+Ngilalele nangicela lusito.
Ngiphendvule ngobe wena wetsembekile futsi ulungile.
2 Ungayitekisi licala inceku yakho,Ngobe kute umuntfu lophilako longatsi ulungile embikwakho.+
3 Sitsa siyangigijimisa;Singiwisele phansi emhlabatsini sangifihlita.
Sente kutsi ngihlale ebumnyameni njengebantfu lesebafa kadzeni.
4 Ngidvumatekile;*+Nemandla ami sekaphele onkhe.+
5 Ngikhumbula emalanga akadzeni;Ngicabangisise ngayo yonkhe imisebenti yakho;+Ngicabangisise* nangemisebenti loyente ngetandla takho.
6 Ngiphakamisa tandla tami ngithantaze kuwe;Ngikulangatelela njengelive lelomile lelilangatelela imvula.+ (Sela)
7 Awu Jehova, phutfuma ungiphendvule;+Sengiphelelwe ngemandla.*+
Ungangifihleli buso bakho,+Ngale kwaloko ngitawufanana nebantfu labaya phansi ethuneni.*+
8 Shengatsi ngingeva ngelutsandvo lwakho lolucotfo ekuseni,Ngobe ngetsembele kuwe.
Ngikhombise indlela lokufanele ngihambe ngayo,+Ngobe ngetsembele kuwe.
9 Awu Jehova, ngikhulule etitseni tami.
Ngibalekela kuwe kuze ngivikeleke.+
10 Ngifundzise kwenta intsandvo yakho,+Ngobe unguNkulunkulu wami.
Wena umuhle,Shengatsi umoya wakho ungangiholela endzaweni lebekile.*
11 Awu Jehova, ngilondvolote ngenca yelibito lakho.
Ngikhulule kulokungicindzetelako ngobe wena ulungile.+
12 Bhubhisa titsa tami ngobewena unelutsandvo lolucotfo;+Babhubhise bonkhe labangihluphako,+Ngobe mine ngiyinceku yakho.+
Imibhalo lengentansi
^ NgesiHebheru kutsi, “Umoya wami uphansi.”
^ Nobe “Ngifundze.”
^ Nobe “emgodzini.”
^ NgesiHebheru kutsi, “Umoya wami ushona phansi.”
^ Nobe “endzaweni lenekulunga.”
