Tihlabelelo 23:1-6
Ingoma yaDavide.
23 Jehova unguMelusi wami.+
Angeke ngeswele lutfo.+
2 Ungilalisa emadlelweni laluhlata;Angiholele etindzaweni tekuphumula letinemanti lamanyenti.*+
3 Uyangivuselela.+
Ungiholela etindleleni tekulunga ngenca yelibito lakhe.+
4 Ngisho nobe ngihamba esigodzini lesimnyama tsu!+
Angesabi lutfo lolubi,+Ngobe wena unami;+Intfonga yakho neludvondvolo lwakho kungenta ngitive ngivikelekile.*
5 Ungidekela litafula embikwetitsa tami.+
Ugcobisa* inhloko yami ngemafutsa;+Indzebe yami iyaphuphuma.+
6 Buhle bakho nelutsandvo lwakho lolucotfo kutangilandzela onkhe emalanga ekuphila kwami,+Futsi ngitawuhlala endlini yaJehova konkhe kuphila kwami.+
Imibhalo lengentansi
^ Kungaphindze kubekwe ngekutsi, “Angiholele emantini lathulile.”
^ Nobe “kuyangidvudvuta.”
^ Nobe “Ucabula.”
