Tihlabelelo 25:1-22
Ingoma yaDavide.
א [Aleph]
25 Awu Jehova, ngicela lusito kuwe.
ב [Beth]
2 Ngetsembele kuwe Nkulunkulu wami;+Ungavumi kutsi ngihlazeke.+
Ungavumi kutsi titsa tami tijabule ngekuhlupheka kwami.+
ג [Gimel]
3 Kute ngisho namunye lowetsembela kuwe lotawuhlazeka,+Kodvwa labo labakhohlisa labanye batawuhlazeka.+
ד [Daleth]
4 Awu Jehova, ngente ngitati tindlela takho;+Ngifundzise imikhondvo yakho.+
ה [He]
5 Ngihambise endleleni yakho lelungile futsi ungifundzise,+Ngobe wena unguNkulunkulu wensindziso yami.
ו [Waw]
Ngetsembela kuwe lilanga lonkhe.
ז [Zayin]
6 Awu Jehova, khumbula umusa wakho nelutsandvo lwakho lolucotfo,+Lokwakuvele kukhona kusukela kadzeni.+
ח [Heth]
7 Ungatikhumbuli tono lengatenta ngisesemusha kanye nemaphutsa ami.
Ngikhumbule ngenca yelutsandvo lwakho lolucotfo,+Nangenca yebuhle bakho Jehova.+
ט [Teth]
8 Jehova muhle futsi ulungile.+
Kungako afundzisa bantfu labatoni indlela lokufanele baphile ngayo.+
י [Yod]
9 Labatfobekile utawubacondzisa ekwenteni lokuhle,*+Futsi abafundzise indlela yakhe.+
כ [Kaph]
10 Tonkhe tindlela taJehova tiveta lutsandvo lwakhe lolucotfo nekwetsembeka kwakheKulabo labagcina sivumelwane+ lasente nabo futsi bente tintfo labakhumbuta tona.+
ל [Lamed]
11 Ngenca yelibito lakho Jehova,+Tsetselela sono sami ngisho nobe sisikhulu.
מ [Mem]
12 Ngubani lowesaba Jehova?+
Nkulunkulu utamfundzisa indlela lokufanele ayikhetse.+
נ [Nun]
13 Utawuba netintfo letinhle,+Futsi bantfwana* bakhe batawudla lifa lemhlaba.+
ס [Samekh]
14 Labo labesaba Jehova ngibo lababangani bakhe labakhulu,+Futsi ubenta basati sivumelwane lasente nabo.+
ע [Ayin]
15 Ngihlale ngetsembele kuJehova kute angisite,+Ngobe nguye lotawukhipha tinyawo tami enethini.+
פ [Pe]
16 Gucukela kimi futsi ungentele umusa,Ngobe ngingedvwa futsi ngihluphekile.
צ [Tsade]
17 Inhlitiyo yami icindzetelwe tintfo letinyenti;+Ngikhulule elusizini lwami.
ר [Resh]
18 Bona kuhlupheka kwami netinkinga tami,+Futsi ungitsetselele tonkhe tono tami.+
19 Buka indlela titsa tami lesetitinyenti ngayoTingenyanya kakhulu kangangekutsi setifuna kungilimata.
ש [Shin]
20 Vikela kuphila kwami futsi ungisindzise.+
Ungavumi kutsi ngihlazeke, ngobe ngikhosele kuwe.
ת [Taw]
21 Shengatsi bucotfo bami nekulunga kwami kungangivikela,+Ngobe ngetsembele kuwe.+
22 Awu Nkulunkulu, sindzisa* Israyeli kuto tonkhe tinhlupheko takhe.
Imibhalo lengentansi
^ NgesiHebheru kutsi, “lokulungile.”
^ NgesiHebheru kutsi, “inhlanyelo.”
^ NgesiHebheru kutsi, “khulula.”
