Tihlabelelo 27:1-14
Ingoma yaDavide.
27 Jehova ukukhanya kwami+ nensindziso yami.
Ngubani-ke lengingamesaba?+
Jehova uyindzawo levikelekile yekuphila kwami.+
Ngubani nje lengingamesaba?
2 Ngesikhatsi benti balokubi, labatitsa tami beta batengibulala,+Kwaba ngibo labagilekako futsi bawa.
3 Nanobe kungaba nelibutfo lelingitungeletako,Inhlitiyo yami ngeke yesabe.+
Ngisho nobe kungaba nemphi lemelene nami,Nalapho ngitawuchubeka nginesibindzi.
4 Kunye nje kuphela lengikucele kuJehova,Ngiko kuphela lengikufunako,Kutsi ngihlale endlini yaJehova onkhe emalanga ekuphila kwami,+Ngibuke buhle baJehovaFutsi ngibuke lithempeli lakhe* ngijabulile.*+
5 Ngobe utangibhacisa ngephansi kweluphahla lwakhe ngelilanga lekuhlupheka;+Utangifihla ethendeni lakhe, leliyindzawo lefihlekile;+Angibeke etulu edvwaleni.+
6 Nyalo ngitehlulile titsa tami letingitungeletile;Ngitawenta imihlatjelo ethendeni lakhe futsi ngimemete ngekujabula;Ngitawuhlabela ngidvumise* Jehova.
7 Awu Jehova, ngilalele nangikhala;+Ngikhombise umusa futsi ungiphendvule.+
8 Inhlitiyo yami ingikhumbuta umyalo wakho lotsi:
“Funani mine.”
Awu Jehova, mine ngitimisele kufuna buso bakho.+
9 Ungangifihleli buso bakho.+
Ungayicoshi ngentfukutselo inceku yakho.
Wena ungumsiti wami;+Ungangishiyi nobe ungilahle, Nkulunkulu wensindziso yami.
10 Ngisho nobe bobabe namake bangangilahla,+Kodvwa Jehova utangemukela.+
11 Awu Jehova, ngifundzise indlela yakho,+Ngihole endleleni lelungile kuze ngivikeleke etitseni tami.
12 Unganginikeli etitseni tami,+Ngobe tingimangalele ngemanga,+Futsi tifuna kungilimata.
13 Ngabe ngikuphi nje kube bengingakholwaKutsi ngitawubona buhle baJehova ngisaphila?*+
14 Tsemba Jehova;+Bani nesibindzi futsi ucine.+
Yebo, tsemba Jehova.
Imibhalo lengentansi
^ Nobe “indzawo yakhe lengcwele.”
^ Nobe “ngizindle ngalo.”
^ Nobe “Ngitawucamba tingoma tekudvumisa.”
^ Kungaphindze kubekwe ngekutsi, “Ngiyakholwa kutsi buhle baJehova ngitabubona ngisaphila.”
