Tihlabelelo 34:1-22
Ingoma yaDavide. Imayelana nalesikhatsi atenta luhlanya+ embikwa-Abimeleki lowabese uyamcosha, futsi Davide wahamba.
א [Aleph]
34 Ngitawudvumisa Jehova ngaso sonkhe sikhatsi;Angeke ngiyekele kumdvumisa.
ב [Beth]
2 Ngitawutigcabha ngaJehova;+Labatfobekile batawuva futsi bajabule.
ג [Gimel]
3 Dvumisani Jehova kanye nami;+Asiphakamiseni libito lakhe sikanyekanye.
ד [Daleth]
4 Ngathantaza kuJehova, yena wangiphendvula.+
Wangikhulula kuko konkhe lengikwesabako.+
ה [He]
5 Bayajabula labo labametsembako;Futsi angeke bahlazeke.
ז [Zayin]
6 Lophansi* wakhala, futsi Jehova wamuva.
Wamsindzisa kuko konkhe kuhlupheka kwakhe.+
ח [Heth]
7 Ingilosi yaJehova iyabavikela* labo labamesabako,+Futsi iyabakhulula.+
ט [Teth]
8 Nambitsani futsi nibone kutsi Jehova muhle;+Uyajabula umuntfu lokhosela kuye.
י [Yod]
9 Yesabani Jehova, nonkhe nine labangcwele bakhe,Ngobe labo labamesabako abesweli lutfo.+
כ [Kaph]
10 Ngisho nemabhubesi lasakhula futsi lanemandla* ayalamba,Kodvwa labafuna Jehova ngeke beswele lutfo loluhle.+
ל [Lamed]
11 Wotani madvodzana ami, ningilalele;Ngitanifundzisa kwesaba Jehova.+
מ [Mem]
12 Ngubani emkhatsini wenu lofuna kujabulela kuphilaFutsi longatsandza kuphila emalanga lamanyenti lajabulisako?+
נ [Nun]
13 Ngako bamba lulwimi lwakho ebubini,+Netindzebe takho ekukhulumeni emanga.+
ס [Samekh]
14 Fulatsela lokubi, wente lokuhle;+Funa kuthula futsi ukubambisise.+
ע [Ayin]
15 Emehlo aJehova akesuki kulabalungile,+Netindlebe takhe tilalela kukhalela kwabo lusito.+
פ [Pe]
16 Kodvwa Jehova* umelene nalabenta lokubi,Utawubabhubhisa kuze bangaphindze bakhunjulwe emhlabeni.+
צ [Tsade]
17 Labalungile bakhala, futsi Jehova wabeva;+Wabakhulula kuko konkhe kucindzeteleka kwabo.+
ק [Qoph]
18 Jehova usedvute nalabo labephuke tinhlitiyo;+Uyabasindzisa labephuke emoyeni.*+
ר [Resh]
19 Tinyenti tinhlupheko* letehlela lolungile,+Kodvwa Jehova umkhulula kuto tonkhe.+
ש [Shin]
20 Uvikela onkhe ematsambo akhe;Kute ngisho nalinye lelephukile.+
ת [Taw]
21 Lomubi utawubulawa yinhlekelele;Labo labenyanya labalungile batawubekwa licala.
22 Jehova uyakuhlenga kuphila kwetinceku takhe;Kute lokhosela kuye lotawutfolakala anelicala.+
Imibhalo lengentansi
^ Lona lophansi ngumhlabeleli.
^ Nobe “imisa lithende lelitungelete.”
^ Nobe “nemabhubesi lasemancane lanemdlonga.”
^ Nobe “buso baJehova.”
^ Nobe “labadvumatekile.”
^ Nobe “tinhlekelele.”
