Tihlabelelo 44:1-26
Sicondziso lesiya kumcondzisi. Imaskili* yemadvodzana aKhora.+
44 Awu Nkulunkulu, sivile ngetindlebe tetfu,Bokhokho betfu basicocela+Loko lowakwenta emalangeni abo,Emalangeni asendvulo.
2 Wacosha tive ngesandla sakho+Wase uhlalisa bokhokho betfu eveni lato.+
Wancoba tive futsi waticosha.+
3 Akusiyo inkemba yabo leyabenta bahlala kulelive,+Futsi akusiwo emandla abo labenta bancoba.+
Kunaloko bancoba ngesandla sakho sangesekudla, nangemandla akho+ kanye nangemusa wakho,Ngobe wena bewujabula ngabo.+
4 Awu Nkulunkulu, wena uyiNkhosi yami;+Yenta* kutsi Jakobe ancobe.*
5 Ngemandla akho sitawucosha titsa tetfu;+Ngelibito lakho sitawuncoba labo labamelene natsi.+
6 Ngobe angiketsembeli ebutjokini bami,Nenkemba yami ngeke ingisindzise.+
7 Nguwe lowasisindzisa etitseni tetfu,+Nalowenta labo labasenyanyako bahlazeka.
8 Awu Nkulunkulu, sitakudvumisa lilanga lonkhe,Futsi sitawudvumisa libito lakho kuze kube phakadze. (Sela)
9 Kodvwa nyalo sewusilahlile, wasenta sahlazeka,Futsi awusaphumi nemabutfo etfu.
10 Wenta kutsi sihlale sibalekela titsa tetfu;+Labo labasenyanyako batitsatsela nobe yini labayifunako.
11 Uyasinikela kute sidliwe kuhle kwetimvu;Usisakatele etiveni.+
12 Bantfu bakho ubatsengisa ngelinani lelincane;+Awuzuzi lutfo ngekubatsengisa.*
13 Usente sahlazeka kubomakhelwane betfu,Wasenta saba yinhlekisa futsi sedzelelwa ngulesakhelene nabo.
14 Wenta tive tisedzelele,+Futsi bantfu banikina tinhloko nabasibona.
15 Lilanga lonkhe ngitiva ngihlazekile,Futsi ngidliwa ngemahloni,
16 Nangibeva basedzelela futsi basetfuka,Nangenca yesitsa setfu lesitiphindziselela kitsi.
17 Konkhe loku kusehlele, kodvwa wena asikakukhohlwa,Futsi asikasephuli sivumelwane lesasenta nawe.+
18 Tinhlitiyo tetfu atikaphambuki;Netinyawo tetfu atisuki endleleni yakho.
19 Kodvwa usente sancotjelwa lapho kubutsana khona bojakalazi;Wasimbonya ngebumnyama lobukhulu.
20 Nangabe silikhohliwe libito laNkulunkulu wetfuNobe nangabe siphakamisa tandla sithantaze kulomunye nkulunkulu,
21 Angeke yini Nkulunkulu akubone loku?
Yena uyakwati lokufihleke etinhlitiyweni tetfu.+
22 Ngenca yakho sibulawa malanga onkhe;Futsi sinjengetimvu letiyohlatjwa.+
23 Phaphama. Awu Jehova, ulele leni?+
Vuka! Ungasilahli kuze kube phakadze.+
24 Ubufihleleni buso bakho?
Kungani ungakukhumbuli kuhlupheka nekucindzetelwa kwetfu?
25 Ngobe siwiselwe phansi elutfulini;Silele phansi emhlabatsini.+
26 Vuka usisite!+
Sikhulule* ngenca yelutsandvo lwakho lolucotfo.+
Imibhalo lengentansi
^ Fundza Tinchazelo Temagama.
^ Nobe “Vuma.”
^ Nobe “akhululwe.”
^ Nobe “ngentsengo yabo.”
^ NgesiHebheru kutsi, “Sihlenge.”
