Tihlabelelo 5:1-12
Kumcondzisi weNehilothi.* Ingoma yaDavide.
5 Awu Jehova, lalela emavi ami;+Kunake kububula kwami lokubangelwa buhlungu.
2 Awu Nkhosi yami, Nkulunkulu wami, kunake kukhalela kwami lusito,Ngobe ngithantaza kuwe.
3 Awu Jehova, utaliva livi lami ekuseni;+Ekuseni ngitakutjela tintfo letingikhatsatako+ bese ngiyema ngilindzela wena.
4 Ngobe unguNkulunkulu longakutsandzi lokubi;+Kute umuntfu lowenta lokubi longahlala nawe.+
5 Kute umuntfu lotiphakamisako longema embikwakho.
Uyabenyanya bonkhe labenta lokubi;+
6 Utawubabhubhisa bantfu labakhuluma emanga.+
Awu Jehova, wena uyabenyanya bantfu labanebudlova nalabakhohlisako.*+
7 Kodvwa ngitawungena endlini yakho+ ngenca yemusa wakho lomkhulu;*+Ngitawukhotsama embikwelithempeli lakho lelingcwele* ngekukwesaba lokuhambisana nenhlonipho.+
8 Awu Jehova, wena ulungile. Ngihole ngobe titsa tingitungeletile;Susa tintfo letingangigila endleleni yakho.+
9 Ngobe kute lokuliciniso letikukhulumako;Ngekhatsi kuto kugcwele nje bubi;Imiphimbo yato injengemathuna lavulekile;Tiyakhohlisa ngelulwimi lwato.*+
10 Kodvwa Nkulunkulu utawutibeka licala;Emacebo ato atawutiwisa.+
Shengatsi tono tato letinyenti tingenta kutsi ticoshwe,Ngobe tikuvukele.
11 Kodvwa batawujabula bonkhe labakhosela kuwe;+Batawuhlale bamemeta ngenjabulo.
Wena utawubavikela,Futsi labo labatsandza libito lakho batawujabula ngawe.
12 Awu Jehova, wena utawubabusisa labalungile;Utawubentela umusa, ubavikele kube shengatsi ubavikele ngelihawu lelikhulu.+
Imibhalo lengentansi
^ Fundza Tinchazelo Temagama.
^ Nobe “lababulalako nalabakhohlisako.”
^ Nobe “yelutsandvo lwakho lolucotfo.”
^ Nobe “embikwendzawo yakho lengcwele.”
^ Nobe “Tisebentisa lulwimi lolumnandzi.”
