Tihlabelelo 50:1-23
Ingoma ya-Asafa.+
50 Jehova Nkulunkulu lophakeme kunabo bonkhe bonkulunkulu,*+ ukhulumile;Ubitele umhlaba kuyeKusukela emphumalanga kuye enshonalanga.
2 Nkulunkulu ukhatimula eSiyoni lenhle ngalokuphelele.+
3 Nkulunkulu wetfu utawufika futsi angeke abindze.+
Embikwakhe kunemlilo locotfulako,+Futsi utungeletwe sivunguvungu lesikhulu.+
4 Ubitela emazulu nemhlaba kuye,+Kute ehlulele bantfu bakhe, utsi:+
5 “Hlanganisani ndzawonye labacotfo bami,Labo labenta nami sivumelwane ngemhlatjelo.”+
6 Emazulu amemetela kulunga kwakhe,Ngobe Nkulunkulu unguMehluleli.+ (Sela)
7 “Ngilaleleni bantfu bami, mine ngitawukhuluma;Ngitawufakaza ngalokumelene nawe, wena Israyeli.+
Mine nginguNkulunkulu, nginguNkulunkulu wakho.+
8 Anginekhuti ngenca yemihlatjelo yenu,Nobe iminikelo yekushiswa lephelele lenihlale niyinikela embikwami.+
9 Angidzingi kutsatsa tinkunzi emitini yenu,Nobe kutsatsa timbuti* etibayeni tenu.+
10 Ngobe tonkhe tilwane tesiganga tami,+Ngisho netilwane letikuto tonkhe tintsaba nato tami.
11 Ngitati tonkhe tinyoni letisetintsabeni;+Tonkhe tilwane letisesigangeni tami.
12 Kube bengilambile, bengingeke nginitjele,Ngobe umhlaba nako konkhe lokukuwo kwami.+
13 Ngiyakudzinga yini kudla inyama yetinkunziNekunatsa ingati yetimbuti?+
14 Nikelani tinhlitiyo letibongako tibe ngumhlatjelo kuNkulunkulu,+Nigcine netifungo tenu kuLosetikwako Konkhe;+
15 Ngibiteni ngetikhatsi letimatima.+
Mine ngitanikhulula, futsi nine nitangidvumisa.”+
16 Kodvwa Nkulunkulu utawutsi kulomubi:
“Ulitsatsaphi lilungelo lekukhuluma ngemitsetfo yami+Nobe lekukhuluma ngesivumelwane sami?+
17 Ngobe wena uyakutondza kuyalwa,*Futsi uhlale ungawanaki emavi ami.+
18 Nawubona sigebengu uyasemukela,*+Futsi ungumngani wetiphingi.
19 Uhlale ukhuluma tintfo letimbi ngemlomo wakho,Ukhohlise nangelulwimi lwakho.+
20 Ukhuluma kabi ngemnakenu;+Ukhulume emanga ngaye.*
21 Watsi nawenta letintfo ngabindza,Ngako wacabanga kutsi ngitawulingisa wena.
Kodvwa nyalo ngitakutsetsisa,Futsi ngitakutjela tono takho.+
22 Nine leningasamlaleli Nkulunkulu, cabangisisani ngaloku,+Kuze nginganidzabudzabuli nibe ticucu, kube kute nalotanikhulula.
23 Umuntfu lonikela inhlitiyo lebongako ibe ngumhlatjelo kimi uyangidvumisa,+Futsi loyo lophila ngendlela lecondzile,Utayibona insindziso yami.”+
Imibhalo lengentansi
^ Nobe “Nkulunkulu Losezulwini, Jehova.”
^ NgesiHebheru kutsi, “timbuti letindvuna.”
^ Nobe “kucondziswa.”
^ Kungaphindze kubekwe ngekutsi, “utihlanganisa naso.”
^ Nobe “Umnyundzele.”
