Tihlabelelo 51:1-19
Sicondziso lesiya kumcondzisi. Ingoma yaDavide. Imayelana nalesikhatsi umphrofethi Nathani eta kuye, ngemuva kwekutsi Davide alele naBhathisheba.+
51 Awu Nkulunkulu, ngihawukele ngobe wena unelutsandvo lolucotfo.+
Yesula tono tami ngobe unemusa lomkhulu.+
2 Ngigeze ususe onkhe emaphutsa ami,+Uhlante netono tami.+
3 Ngobe ngiwati kahle emaphutsa ami,Futsi ngihlale ngicabanga ngesono lengisentile.+
4 Ngikone kakhulu;+Ngenta lokubi kuwe.+
Ngako kulungile kutsi ungilahle ngelicalaFutsi wena ungehlulele kahle.+
5 Ngatalwa nginesono,Ngaba nesono kusukela make atsatsa sisu.+
6 Wena uyamtsandza umuntfu lowetsembeke mbamba;+Ngako yenta inhlitiyo yami yati kuhlakanipha lokungiko.
7 Geza sono sami ngehisophu,* khona ngitewuhlanteka;+Ngigeze, kuze ngibe mhlophe kwendlula lichwa.+
8 Ngente ngijabule futsi ngihalalise,Khona ngitewutfokota ngisho nobe ufihlite ematsambo ami.+
9 Ungatibuki tono tami,+Futsi yesula onkhe emaphutsa ami.+
10 Awu Nkulunkulu, yenta inhlitiyo yami ibe msulwa,+Ungiphe ingcondvo lensha futsi lengashintjashintji.+
11 Ungangicoshi embikwakho;Futsi ungangemuki umoya wakho longcwele.
12 Phindze ungente ngijabule ngendlela bengijabula ngayo nawungisindzisa;+Ngente ngibe nesifiso sekukulalela.
13 Bantfu lababi ngitabafundzisa tindlela takho.+
Toni titawubuyela kuwe.
14 Awu Nkulunkulu, ngikhulule ecaleni lengati,+ wena Nkulunkulu longumsindzisi wami,+Kuze ngimemetele ngekulunga kwakho ngijabulile.+
15 Awu Jehova, vula umlomo wami,Kute ngimemetele ludvumo lwakho.+
16 Ngobe wena awuwudzingi umhlatjelo, kube bewuwudzinga bengingawenta;+Futsi awujatjuliswa ngumnikelo wekushiswa lophelele.+
17 Imihlatjelo yebantfu labephukile emoyeni iyamjabulisa Nkulunkulu;Awu Nkulunkulu, angeke uyibukele phansi inhlitiyo leyephukile naledzabukile.+
18 Khombisa umusa wakho futsi wentele iSiyoni lokuhle;Yakha kabusha lubondza lwaseJerusalema.
19 Utawubese uyajabula ngemihlatjelo yebantfu labalungile,Lokuyimihlatjelo leshiswako nalenikelwa yonkhe;Futsi tinkunzi titawunikelwa e-al’thare lakho.+
Imibhalo lengentansi
^ Fundza Tinchazelo Temagama.
