Tihlabelelo 52:1-9
Sicondziso lesiya kumcondzisi. Imaskili* yaDavide. Imayelana nalesikhatsi Dowegi um-Edomu aya kuSawula ayomtjela kutsi Davide usendlini ya-Ahimeleki.+
52 Wena muntfu lomubi, utigabatiselani ngetintfo letimbi lotentako?+
Lutsandvo lwaNkulunkulu lolucotfo luhlale lukhona ngaso sonkhe sikhatsi.+
2 Lulwimi lwakho lukhalipha njengelezana,+Lwakha emacebo lamabi futsi luyakhohlisa.+
3 Utsandza lokubi kwendlula lokuhle,Utsandza nekukhuluma emanga kunekukhuluma liciniso. (Sela)
4 Utsandza kulimata labanye ngemavi akho,Lulwimi lwakho lukhuluma emanga.
5 Kungako Nkulunkulu atakususa siphelane;+Utakuhudvula akukhiphe ethendeni lakho;+Akususe eveni.+ (Sela)
6 Bantfu labalungile batakubona loko bamangale,+Futsi batamhleka lomubi, batsi:+
7 “Ase nibuke nangu umuntfu longazange aphephele kuNkulunkulu,+Kodvwa lowetsemba umcebo wakhe lomnyenti+Atitjela kutsi emacebo akhe lamabi atamsita.”
8 Kodvwa mine ngitawuba njengesihlahla semncumo lesiluhlata endlini yaNkulunkulu;Ngetsembele emseni* waNkulunkulu phakadze naphakadze.+
9 Ngitakudvumisa kuze kube phakadze ngenca yetintfo lotentile;+Embikwebantfu bakho labacotfoNgitawetsembela egameni lakho,+ ngobe konkhe lokwentile kuhle.
