Tihlabelelo 57:1-11
Sicondziso lesiya kumcondzisi: Kufanele ihlatjelwe ngendlela letsi: “Ungangibhubhisi.” Imiktamu* yaDavide. Imayelana nalesikhatsi asemgedzeni, abalekela Sawula.+
57 Ngihawukele Nkulunkulu, ngihawukele,Ngobe ngiphephele kuwe,+Ngitawubhaca ngephansi kwemaphiko akho ize yendlule inhlekelele.+
2 Ngikhala kuNkulunkulu Losetikwako Konkhe,KuNkulunkulu weliciniso locedza tinkinga tami.
3 Yena utawutfumela lusito asezulwini futsi angisindzise.+
Utawenta kutsi angaphumeleli emacebo alongihlaselako. (Sela)
Nkulunkulu utawukhombisa umusa* wakhe, akhombise nekutsi wetsembekile.+
4 Ngitungeletwe ngemabhubesi;+Lapho ngilala khona kunebantfu labafuna kungishwabadzela,Ematinyo abo afana netikhali nemicibisholoNelulwimi lwabo lukhalipha njengenkemba.+
5 Awu Nkulunkulu, shengatsi ungadvunyiswa emazulwini;Inkhatimulo yakho ayibe semhlabeni wonkhe.+
6 Titsa tami tibeke linethi kuze tingibambe;+Ngicindzeteleke kakhulu.+
Tingimbele umgodzi endleleni,Kodvwa kwagcumukela tona.+ (Sela)
7 Awu Nkulunkulu, inhlitiyo yami ayingabati,+Inhlitiyo yami ayingabati.
Ngitawuhlabela ngikudvumise.
8 Nhlitiyo yami, vuka.
Shengatsi lihabhu naletinye tinsimbi temculo letinetintsambo kungenta umsindvo wako uvakale.
Mine ngitawuvuka lokwa ekuseni.+
9 Awu Jehova, ngitakudvumisa embikwebantfu;+Ngitawuhlabela ngikudvumise embikwetive.+
10 Ngobe umusa* wakho mkhulu, ufika etulu emazulwini,+Nekwetsembeka kwakho kufika esibhakabhakeni.
11 Awu Nkulunkulu, shengatsi ungadvunyiswa emazulwini;Inkhatimulo yakho ayibe semhlabeni wonkhe.+
Imibhalo lengentansi
^ Fundza Tinchazelo Temagama.
^ Nobe “lutsandvo lolucotfo.”
^ Nobe “lutsandvo lolucotfo.”
