Tihlabelelo 65:1-13
Sicondziso lesiya kumcondzisi. Ingoma yaDavide.
65 Awu Nkulunkulu, sitakudvumisa eNtsabeni iSiyoni;+Sitawutenta tintfo lesikwetsembise tona.+
2 Awu Nkulunkulu wami, wena uyayiva imithantazo futsi tonkhe tinhlobo tebantfu titakuta kuwe.+
3 Tono tami setiyangesindza,+Kodvwa wena uyasitsetselela tono tetfu.+
4 Uyajabula loyo lomkhetsako futsi umsondzete kuweKute ahlale emabaleni akho.+
Sitawujatjuliswa tintfo letinhle letisendlini yakho,+Letisethempelini lakho lelingcwele.*+
5 Utawusiphendvula ngekusentela tintfo letimangalisako+ lotenta ngenca yekulunga kwakho,Wena Nkulunkulu ungumsindzisi wetfu;Bonkhe bantfu emhlabeni batawetsembela kuwe,+Ngisho nalabo labangesheya kwetilwandle.
6 Wamisa tintsaba ngemandla akho;Futsi wena unemandla lamakhulu.+
7 Uthulisa lwandle lolutfukutsele,+Uthulise emagagasi alo kanye nesiphitsiphitsi lesisetiveni.+
8 Bantfu labahlala khashane batawumangala nababona imisebenti yakho;+Utawenta kutsi bantfu labahlala emphumalanga kuya kulabasenshonalanga bamemete bajabulile.
9 Wena unakekela umhlaba,Uwente unotse futsi ukhicite kakhulu.+
Ugcwalisa imifula ngemanti;Unikete bantfu kudla,+Ngobe ngulena indlela lowente umhlaba kutsi ukhicite ngayo.
10 Umantisa imisele yawo futsi ulungise umhlabatsi lolinyiwe;Uwutsambisa ngemvula; ubusise nalokukhula kuwo.+
11 Wenta umnyaka ube muhle ngetipho takho letinhle;Lapho uhamba khona kuphuphuma tintfo letinhle.+
12 Emadlelo asehlane ahlale agcwele tjani lobumanti,+Nemagcuma ayajabula.+
13 Emadlelo agcwele imihlambi yetimvu neyetimbuti,Nasematsafeni kugcwele kolo.+
Konkhe loku kumemeta kujabulile, kuze kuhlabele.+
Imibhalo lengentansi
^ Nobe “Letisendzaweni yakho lengcwele.”
