Tihlabelelo 86:1-17
Umthantazo waDavide.
86 Awu Jehova, ngilalele futsi uphendvule umthantazo wami,Ngobe ngiselusizini futsi ngeswele.+
2 Ngivikele ngobe ngetsembekile.+
Sindzisa inceku yakho leyetsembele kuwe,Ngobe wena unguNkulunkulu wami.+
3 Awu Jehova, ngentele umusa,+Ngobe ngikhala kuwe malanga onkhe.+
4 Yenta kutsi inceku yakho ijabule,Ngobe ngetsembele kuwe Jehova.
5 Wena Jehova umuhle+ futsi uhlale ukulungele kutsetselela;+Bonkhe labakhala kuwe ubentela umusa* lomkhulu.+
6 Awu Jehova, lalela umthantazo wami;Futsi unginake nangicela lusito kuwe.+
7 Ngikhala kuwe nangicindzetelekile,+Ngobe wena utangiphendvula.+
8 Awu Jehova, kute lomunye nkulunkulu lofana nawe,+Futsi kute imisebentilefana neyakho.+
9 Tonkhe tiveTitakuta futsi tikukhotsamele Jehova,+Tidvumise libito lakho.+
10 Ngobe wena umkhulu futsi wenta tintfo letimangalisako;+Nguwe wedvwa longuNkulunkulu.+
11 Awu Jehova, ngifundzise indlela yakho.+
Mine ngitawuhamba endleleni yakho lelungile.+
Ngente ngesabe libito lakho ngenhlitiyo yami yonkhe.+
12 Awu Jehova Nkulunkulu wami, ngikudvumisa ngayo yonkhe inhlitiyo yami,+Ngitawudvumisa libito lakho kuze kube phakadze,
13 Ngobe umusa* longentela wona mkhulu,Futsi ungisindzisile ekujuleni kweliThuna.*+
14 Awu Nkulunkulu, bantfu labatigabatisako bamelene nami;+Licembu lebantfu labatidlova lifuna kungibulala,Futsi alikuhloniphi.+
15 Kodvwa wena Jehova unguNkulunkulu lonesihawu neluvelo,Uyephuta kutfukutsela, uchichima lutsandvo lolucotfo futsi wetsembekile.+
16 Nginake futsi ungentele umusa.+
Nika inceku yakho emandla,+Usindzise indvodzana yencekukati yakho.
17 Nginikete bufakazi bebuhle bakho,Kute labo labangenyanyako babubone futsi bahlazeke.
Ngobe wena Jehova ungumsiti wami futsi nguwe longidvudvutako.
Imibhalo lengentansi
^ Nobe “lutsandvo lolucotfo.”
^ Nobe “lutsandvo lolucotfo.”
^ Nobe “kweShiyoli,” lokusho lithuna lebantfu. Fundza Tinchazelo Temagama.
