Tihlabelelo 91:1-16
91 Nobe ngubani lohlala endzaweni lesitsekile yaLosetikwako Konkhe+Utawukhosela ngephansi kwemaphiko aSomandla.+
2 Ngitawutsi kuJehova: “Wena usiphephelo sami nendzawo yami levikelekile,+UnguNkulunkulu wami lengetsembele kuye.”+
3 Utakukhulula esicupheni lesibekwe ngulotsiya tinyoni,Akuvikele kutsi ungahlaselwa sifo lesibulalako.
4 Utakuvikela ngetimphiko takhe,Futsi wena utawukhosela ngephansi kwemaphiko akhe.+
Kwetsembeka kwakhe+ kutawuba njengelihawu lelikhulu+ nanjengelubondza lolusivikelo.
5 Angeke utesabe tintfo letetfusako letenteka ebusuku,+Nobe wesabe imicibisholo lentjuza emini,+
6 Nobe sifo lesibulalako lesihlasela ebusuku,Nobe wesabe tintfo letibhubhisako letenteka emini.
7 Bantfu labangu-1 000 batakuwa eceleni kwakhoFutsi labangu-10 000 bawe ngesekudla sakho,Kodvwa konkhe loku angeke kukwehlele.+
8 Utawugcina nje ngekukubona ngemehlo akhoNawubukela lababi bajeziswa.
9 Ngobe wena utsite: “Jehova usiphephelo sami,”Losetikwako Konkhe umente waba yindzawo yakho lephephile;+
10 Ngako angeke wehlelwe yinhlekelele,+Futsi lokubi angeke kusondzele ethendeni lakho.
11 Ngobe yena utawutfuma tingilosi takhe+ kuwe,Kutsi tikuvikele nobe ngukuphi lapho uya khona.+
12 Titakwetfwala ngetandla tato,+Kuze lunyawo lwakho lungakhutjwa litje.+
13 Utawuhamba etikwelibhubesi lelisakhula nasetikwemfeti;Ugcobagcobe libhubesi lelinemandla kanye nenyoka lenkhulu.+
14 Nkulunkulu watsi: “Ngitamkhulula ngobe uyangitsandza,+Ngimvikele ngobe uyalati libito lami.+
15 Yena utawukhala kimi, mine ngimphendvule.+
Ngitamsekela nakacindzetelekile.+
Ngitamkhulula futsi ngimkhatimulise.
16 Ngitambusisa ngemphilo lendze,+Ngente nekutsi ayibone insindziso yami.”+
