Tihlabelelo 97:1-12
97 Jehova sewuyiNkhosi!+
Shengatsi umhlaba ungatfokota.+
Shengatsi tonkhe tichingi tingajabula.+
2 Utungeletwe ngemafu kanye nebumnyama lobukhulu;+Kulunga kanye nekwehlulela ngekungakhetsi kusisekelo sesihlalo sakhe sebukhosi.+
3 Kuvutsa umlilo embikwakhe+Futsi ucotfula titsa takhe letimtungeletile.+
4 Imibane yakhe ikhanyisa live;Umhlaba uyakubona loku futsi wesabe kakhulu.+
5 Tintsaba tincibilika njengemtfwebeba* embikwaJehova,+Tincibilike embikweNkhosi yemhlaba wonkhe.
6 Emazulu amemetela ngekulunga kwakhe,Futsi bonkhe bantfu babona inkhatimulo yakhe.+
7 Shengatsi bangahlazeka bonkhe labo labakhonta tithico,+Labo labatigabatisa ngabonkulunkulu babo labangenamsebenti.+
Khotsamani* embikwakhe, nonkhe nine bonkulunkulu.+
8 ISiyoni ivile ngekuncoba kwakho futsi yajabula;+Emadolobha akaJuda ayatfokotaNgenca yekwehlulela kwakho Jehova.+
9 Ngobe wena Jehova unguLosetikwako Konkhe emhlabeni wonkhe;Uphakeme kakhulu kunabo bonkhe labanye bonkulunkulu.+
10 Nine lenitsandza Jehova, kwenyanyeni lokubi.+
Yena uyabavikela labo labetsembekile kuye;+Abakhulule kulababi.+
11 Nkulunkulu ubanika litsemba labalungile,+Ente labo labanetinhlitiyo leticotfo bajabule.
12 Nine lenilungile, jabulani ngaJehova,Futsi nibonge libito lakhe lelingcwele.
Imibhalo lengentansi
^ Kungenteka loku yintfo lesheshe incibilike leyakhiwa tinyosi leyenta kutsi luju lungonakali.
^ Nobe “Mkhonteni.”
