Tikhulu 5:1-31
5 Ngalelolanga Debhora+ naBharaki+ indvodzana ya-Abinowami bahlabela lengoma+ batsi:
2 “Ngenca yetinwele letingakaboshwa* ka-Israyeli,Ngenca yebantfu labatinikele ngekutitsandzela,+Dvumisani Jehova!
3 Lalelani nine makhosi! Ngipheni indlebe nine babusi!
Ngitamhlabelela Jehova.
Ngitawudvumisa Jehova,+ Nkulunkulu wema-Israyeli ngetingoma.*+
4 Wena Jehova, ngesikhatsi uphuma eSeyiri,+Ngesikhatsi uphuma endzaweni yaka-Edomu,Umhlaba wanyakata, nemazulu atfulula.
Emafu atfulula emanti.
5 Tintsaba tancibilika* embikwaJehova,+Ngisho neSinayi yancibilika embikwaJehova,+ Nkulunkulu wema-Israyeli.+
6 Ngemalanga aShamgari+ indvodzana ya-Anathi,Ngemalanga aJayeli+ imigwaco yayingenamuntfu;Bantfu bebahamba ngaletinye tindlela.
7 Bantfu labebahlala emadolobhaneni aka-Israyeli bebangasekho;*Kwase kute muntfu, kwaze kwaba ngulapho mine Debhora+ ngisukuma,Kwaze kwaba ngulapho ngisukuma njengamake ka-Israyeli.+
8 Bakhetsa bonkulunkulu labasha;+Kwase kuba nemphi emagedeni.+Lihawu kanye nesikhali bewungeke ukubone,Emkhatsini webantfu labangu-40 000 ka-Israyeli.
9 Inhlitiyo yami ikanye netindvuna taka-Israyeli,+Letatinikela ngekutitsandzela kanye nebantfu.+
Dvumisani Jehova!
10 Nine bagibeli betimbongolo letinsundvu,Nine lenihlala emakhaphethini lamahle,Nani lenihamba emigwacweni,Cabangisisani!
11 Emavi ebantfu labakhelela tilwane emanti evakala lapho batinatsisela khona;Bebakhuluma ngemisebenti lelungile yaJehova,Nangemisebenti lelungile yebantfu bakhe labahlala emadolobhaneni aka-Israyeli.
Bantfu baJehova base behlela emagedeni.
12 Vuka, vuka, Debhora!+
Vuka, vuka, uhlabele ingoma!+
Vuka Bharaki!+ Hola bantfu bakho labatfunjiwe, wena ndvodzana ya-Abinowami!
13 Labo labasala behlela etikhulwini;Bantfu baJehova behlela kimi kute silwe nalabanemandla.
14 Labo labahlala esihosheni* bebaphuma ka-Efrayimu;Balandzela wena Bhenjamini, emkhatsini webantfu bakho.
Tindvuna tesuka eMakhire+ tehla,Nalabo labebaphetse intfonga yendvuna yelibutfo* besuka naseZebuloni.
15 Tindvuna taka-Isakhari betinaDebhora,Njengobe Isakhari bekanaDebhora, naBharaki+ bekanaye.
Wahamba ngetinyawo esihosheni.*+
Ticheme takaRubeni betitihlolisisa inhlitiyo.
16 Benihleti leni emkhatsini wemitfwalo lemibili?*
Benibalalele yini njengobe bebadlalela imihlambi imintjingo?+
Ticheme takaRubeni betitihlolisisa inhlitiyo.
17 Gileyadi wasala ngale kweJordane;+Dani wasalelani emikhunjini?+
Asheri wahlala elugwini lwelwandle,Wachubeka ahleti etikhumulweni temikhumbi.*+
18 Bantfu bakaZebuloni babeka kuphila kwabo engotini;NaNaftali+ wenta njalo emagcumeni.+
19 Emakhosi eta, alwa;Emakhosi aseKhenani abese ayalwa+Alwa eThanaki ngasemitfonjeni yaseMegido.+
Kute lisiliva latitsatsela lona.+
20 Tinkhanyeti talwa ezulwini;Talwa naSisera tisetindleleni tato.
21 Emanti lamanyenti* aseKhishoni abakhukhula,+Emanti lamanyenti* akadzeni, emanti lamanyenti* aseKhishoni.
Wena mphefumulo* wami, wabagcobagcoba labanemandla.
22 Kwabese kuba netigi tetinselo temahhashiNjengobe emahhashi akhe emphi abevilita.+
23 Ingilosi yaJehova yatsi: ‘Calekisa iMerozi,Calekisa nebantfu bakhona,Ngobe abazange bamsite Jehova,Abazange bamsite Jehova akanye nalabanemandla bakhe.’
24 Jayeli+ ubusiswe kakhulu emkhatsini walabanye bafatiUmfati waHebere+ umKheni;Ungumfati lobusiswe kakhulu emkhatsini webafati labahlala emathendeni.
25 Wamcela emanti; yena wamnika lubisi.
Wamtselela lubisi lolunelulata endishini lenhle legubhile.+
26 Ngesandla sakhe watsatsa sikhonkwane,Ngesandla sakhe sangesekudla watsatsa sandvo.
Wabese ugwaza Sisera, wamfihlita inhloko,Wamfihlita futsi wamgwaza emhlafunweni.+
27 Sisera wawela emkhatsini wetinyawo taJayeli; wawela khona lapho;Wawela emkhatsini wetinyawo takhe;Lapho awela khona, kulapho ancotjwa khona.
28 Umfati wabuka ngelifasitelo,Make waSisera wabuka ngelifasitelo* watsi:
‘Iphuteleni kubuya incola yakhe yemphi?
Ativakali ngani tigi temahhashi akhe kuze kube ngunyalo?’+
29 Umfati lohlakaniphile emkhatsini webafati labahloniphekile utamphendvula;Naye utawuphindza loko lakushito,
30 ‘Kungenteka basehlukaniselana tintfo labatitsatsele tona,Lisotja litfola intfombi* yinye, lisotja litfola tintfombi* letimbili,Sisera utitsatsela indvwangu lenembala, utitsatsela indvwangu lenembala,Imphahla lehlotjisiwe, indvwangu lenembala, timphahla letimbili letihlotjisiweLamasotja atitsatsela umhlobiso wasentsanyeni.’
31 Awu Jehova, tonkhe titsa takho atishabalale,+Kodvwa labo labakutsandzako ababe njengelilanga naliphuma ebukhatikhatini balo.”
Lelive laphumula* iminyaka lengu-40.+
Imibhalo lengentansi
^ Nobe “yemabutfo langakabophi tinwele.”
^ Nobe “ngekumentela umculo.”
^ Kungaphindze kubekwe ngekutsi, “tatamatama.”
^ Nobe “bese baphelile.”
^ Nobe “etsafeni.”
^ Kungaphindze kubekwe ngekutsi, “labo labaphetse intfo lesetjentiswa babhali.”
^ Nobe “etsafeni.”
^ Lokusho, imitfwalo letfwalwa silwane.
^ Nobe “lakufikela khona imikhumbi.”
^ Nobe “Umfula.”
^ Fundza Tinchazelo Temagama.
^ Nobe “umfula.”
^ Nobe “Umfula.”
^ Leli lifasitelo lelingakakhiwa ngengilasi kodvwa lelakhiwe ngemapulango laphambanisiwe.
^ NgesiHebheru kutsi, “sibeletfo.”
^ NgesiHebheru kutsi, “tibeletfo.”
^ Nobe “laba nekuthula.”
