Zakhariya 10:1-12
10 “Celani imvula kuJehova entfwasahlobo.
NguJehova lobangela kutsi kube nemafu lamnyama khwishi,Futsi nguye lowehlisela bantfu imvula,+Aphe bonkhe bantfu umkhicito wemhlaba.
2 Tithico* tikhulume emanga;*Nalabaphengulako babone imibono lengasilo liciniso.
Bakhuluma ngemaphupho langasho lutfo,Batsi nabetama kudvudvuta bantfu kube bete lodvudvutekako.
Kungako labantfu batawuzulazula njengetimvu.
Batawuhlupheka, ngobe kute umelusi.
3 Ngibatfukutselele kakhulu labelusi,Futsi ngitabajezisa baholi labacindzetela labanye;*Ngobe mine Jehova wemabutfo sengiyawunaka umhlambi wami,+ lokubantfu bakaJuda,Ngibente baba njengelihhashi lami lelinemandla futsi lelihle kakhulu.
4 Kuyawuphuma indvuna* kaJuda,Kuphume umholi,*Kuphume butjoki basemphini;Kuphume nabo bonkhe baphatsi,* futsi bonkhe laba batawuphuma khona.
5 Bayawuba njengemachawe,Futsi bayawugcobagcoba ludzaka lolusetitaladini ngesikhatsi semphi.
Bayawukulwa imphi, ngobe mine Jehova ngiyawube nginabo;+Futsi titsa tabo letigibele emahhashi tiyawuhlazeka.+
6 Bantfu bakaJuda ngitabenta babe nemandla,Ngisindzise nebantfwana baJosefa.+
Ngitababuyisela eveni labo,Ngobe mine ngitabahawukela;+Futsi kutawuba shengatsi angizange sengibalahle;+Ngobe mine nginguJehova Nkulunkulu wabo futsi ngitabaphendvula.
7 Bantfu baka-Efrayimu batawuba njengelichawe lelinemandla,Netinhlitiyo tabo titawujabula kube shengatsi tijatjuliswe liwayini.+
Bantfwana babo batakubona loku futsi batfokote;Tinhlitiyo tabo titawujabula ngaJehova.+
8 ‘Ngitawushaya inkwela ngibabite, futsi ngibabutsise ndzawonye;Ngitawubahlenga+ futsi batawuba banyenti,Bachubeke bandza.
9 Nanobe ngitabasakata njengenhlanyelo emkhatsini wetive,Batangikhumbula basetindzaweni letikhashane;Bona kanye nebantfwana babo batawuphindze babe nemandla futsi babuye.
10 Ngitabalandza eveni laseGibhithe,Futsi ngibabutsise ndzawonye basuka e-Asiriya;+Ngitabaletsa eveni lakaGileyadi+ nelaseLebanoni,Futsi ngisho naleyondzawo angeke ize ibenele.+
11 Ngitawuphazamisa lwandle, ngidzabule emkhatsini walo;Futsi ngitawushaya emagagasi alo;+Kutawusha nemanti lasekujuleni kweNayili.
Ngitayihlaza i-Asiriya letigcabhako,Futsi iGibhithe itawuphelelwa ngemandla ekubusa.*+
12 Mine Jehova ngitabenta babe nemandla,+Futsi indlela labaphila ngayo itawudvumisa libito lami,’+ kusho Jehova.”
Imibhalo lengentansi
^ Nobe “Bonkulunkulu basekhaya.”
^ Nobe “imilingo; tintfo letingacondzakali.”
^ NgesiHebheru kutsi, “ngitatijezisa timbuti letindvuna.”
^ NgesiHebheru kutsi, “umbhoshongo losekoneni,” lokumelela umuntfu lobaluleke kakhulu; sikhulu.
^ NgesiHebheru kutsi, “sikhonkwane,” lokumelela umuntfu lokusinywe ngaye; umbusi.
^ Nobe “labanika bantfu umsebenti.”
^ NgesiHebheru kutsi, “yintfonga.”
