Zefaniya 3:1-20
3 Maye kulelidolobha lelivukelako, lelingcolile futsi lelicindzetela bantfu!+
2 Kute livi lelililalele;+ kute nesiyalo lelisemukele.+
Aliketsembeli kuJehova;+ Alikasondzeli kuNkulunkulu walo.+
3 Tikhulu talo tingemabhubesi labhodlako.+
Behluleli balo batimphisi ebusuku;Abashiyi ngisho nelitsambo labangaligugudza kuze kuse.
4 Baphrofethi balo bayedzelela futsi abaketsembeki.+
Baphristi balo bangcolisa lokungcwele;+Bephula umtsetfo.+
5 Jehova ulungile emkhatsini walo;+ akenti lutfo lolubi.
Njalo ekuseni wenta tehlulelo takhe tatiwe,+Futsi njengekukhanya kwasemini, atehluleki.
Kodvwa longakalungi akalati lihlazo.+
6 “Ngabhubhisa tive; imibhoshongo yato lesemakoneni yasala ingenalutfo.
Ngacotfula imigwaco yato, kangangekutsi kute lowakwati kwendlula kuyo.
Emadolobha ato asala atindzala futsi angenamuntfu, bekute lohlala khona.+
7 Ngatsi kulelidolobha, ‘Noma kanjani utangesaba futsi utawemukela siyalo sami,’*+Kuze kutsi indzawo yalo yekuhlala ingabhujiswa+—Kufanele ngilente lilandzise* ngato tonkhe letintfo.
Nome kunjalo, bonkhe bebatimisele kakhulu kwenta ngendlela lekhohlakele.+
8 Jehova utsi: ‘Ngako-ke hlalani ningilindzele,*+Kuze kube lilanga lapho ngitawuphakama khona ngihlasele bantfu futsi ngitsatse tintfo tabo,Ngobe ngincume kubehlulela ngekutsi ngibutsisele ndzawonye tive ngiphindze ngihlanganise nemibuso,Kuze ngitfululele kubo lulaka lwami, nentfukutselo yami levutsako;+Ngobe intfukutselo yami injengemlilo futsi itawushwabadzela wonkhe umhlaba.+
9 Ngemuva kwaloko, ngitawushintja lulwimi lwetive lube lulwimi loluhlantekile,Kuze bonkhe babite libito laJehova,Bamkhonte bahlangene lihlombe ngelihlombe.’*+
10 Kusukela esigodzini semifula yaseTopiya,Tikhonti tami, lokungulabahlakatekile bami, batawuletsa sipho kimi.+
11 Ngalelolanga ngeke uhlazekeNgenca yato tonkhe tintfo lotentile nawungivukela,+Ngitawususa nalabatigcabhako emkhatsini wakho;Futsi ngeke uphindze utiphakamise entsabeni yami lengcwele.+
12 Emkhatsini wakho, ngitawenta kutsi kusale bantfu labatfobekile nalabanemoya lophansi,+Futsi batawuvikeleka kulo libito laJehova.
13 Labasele baka-Israyeli+ angeke bente lokungakalungi;+Angeke bakhulume emanga futsi angeke basebentise lulwimi lwabo kuze bayenge labanye bantfu;Njengetimvu batawulala phansi baphindze badle, futsi kute ngisho namunye lotabesabisa.”+
14 Awu wena ndvodzakati yaseSiyoni, memeta ngenjabulo!
Awu wena Israyeli, memeta ngemsindvo wekuncoba!+
Awu wena ndvodzakati yaseJerusalema, jabula futsi utfokote ngayo yonkhe inhlitiyo yakho!+
15 Jehova utisusile tehlulelo letisetikwakho.+
Usicoshile sitsa sakho.+
INkhosi yaka-Israyeli lenguJehova isemkhatsini wakho.+
Angeke uphindze uyesabe inhlekelele.+
16 Ngalelolanga, kutawutsiwa eJerusalema:
“Ungesabi wena Siyoni.+
Ungativumeli tandla takho kutsi tibe butsakatsaka.
17 Jehova Nkulunkulu wakho usemkhatsini wakho.+
Njengobe anguNkulunkulu lonemandla, utakusindzisa,Utawujabula kakhulu ngawe.+
Yena utawenetiseka ngelutsandvo lwakhe.
Utakujabulela ngemsindvo wenjabulo.
18 Ngitawubabutsisa ndzawonye labo labalila ngenca yekutsi abekho emikhosini yenu;+Bebangekho emkhatsini wenu ngobe bebasekutfunjweni.+
19 Ngaleso sikhatsi ngitawubatsatsela sinyatselo bonkhe labo labakucindzetelako;+Futsi ngitamsindzisa naloyo lochutako,+Ngitawuphindze ngibutsise ndzawonye labahlakatekile.+
Ngitawubenta badvunyiswe futsi batiwe kakhulu*Kulo lonkhe live lebebahlazeka kulo.
20 Ngaleso sikhatsi, ngitanibuyisela ekhaya.
Ngaleso sikhatsi ngitanibutsisa ndzawonye.
Ngitawunenta natiwe kakhulu,* futsi nidvunyiswe+ emkhatsini wato tonkhe tive letisemhlabeni,Nasengibuyisela lebebatfunjiwe embikwemehlo enu,” kusho Jehova.+
Imibhalo lengentansi
^ Nobe “ngilijezise.”
^ Nobe “kulungiswa.”
^ Nobe “ngilindzeleni ngekubeketela.”
^ Nobe “ngebunye.”
^ NgesiHebheru kutsi, “babe neligama.”
^ NgesiHebheru kutsi, “nibe neligama.”
