HLALANI NILINDZILE!
Budlova Lobuhambisana Netindzaba Tepolitiki—Litsini LiBhayibheli?
Budlova lobuhambisana netindzaba tepolitiki sebandzile emhlabeni.
EMexico kwenteke intfo lengazange seyenteke lapho kwentiwe tento tebudlova kwaphindze kwabulawa bosopolitiki labangu-39 lebebangenele lukhetfo ngemnyaka welukhetfo wa-2023-2024. Loko kwetfuse bantfu kwaphindze kwaphazamisa nalolukhetfo.
E-Europe kube netento letinyenti tebudlova lobuhambisana netepolitiki, lobufaka ekhatsi kuzama kubulala ndvunankhulu waseSlovakia ngaMay 15, 2024.
IMelika yetfuswe kuzama kubulawa kwaloyo lowake waba ngumengameli walelive Donald Trump ngaJuly 13, 2024.
Yini leyenta kube nebudlova lobunyenti kangaka lobuhambisana netepolitiki? Buyoke buphele yini? Litsini liBhayibheli?
Kwehlukana ekhatsi kutepolitiki kwaphrofethwa
LiBhayibheli laphrofetha kutsi kulesikhatsi setfu lesibitwa ngekutsi ‘ngemalanga ekugcina’ bantfu labanyenti batawuba nebudlova futsi bangafuni kwenta tivumelwane.
‘Emalangeni ekugcina kutawuba netikhatsi letibucayi lokumatima kubhekana nato. Ngobe bantfu . . . batawuba ngulabangabongi, labangetsembeki, . . . labangavumi kwenta tivumelwane, . . . labanelulaka, . . . labatsengisa ngalabanye, labanenkhani, labagcwele umgcabho.’—2 KuThimothi 3:1-4.
LiBhayibheli laphindze laphrofetha kutsi imibango lefaka ekhatsi kuvukela tiphatsimandla kanye netiphitsiphitsi bekutawukhombisa kutsi siphila emalangeni ekugcina. (Lukha 21:9, umbhalo longentasi) Nobe kunjalo, budlova lobuhambisana netepolitiki kanye nembango angeke kuze kube khona phakadze.
Kuphela kwebudlova lobuhambisana netepolitiki
LiBhayibheli liveta kutsi Nkulunkulu utawubeka hulumende wakhe wasezulwini lotawutsatsa sikhundla sabobonkhe bohulumende bebantfu.
“Nkulunkulu welizulu utawubeka umbuso . . . utawupitjita yonkhe lemibuso uyicedze futsi ngiwo wodvwa lotawuma kuze kube phakadze.”—Danyela 2:44.
UMbuso waNkulunkulu utawenta bantfu babe nebunye futsi uletse kuthula emhlabeni wonkhe.
INkhosi yawo Jesu Khristu ibitwa ngekutsi, “Sikhulu Sekuthula,” futsi itawucinisekisa kutsi ‘kuthula angeke kuphele.’—Isaya 9:6, 7.
Nalamuhla, tikhonti talombuso tifundza kuphilisana ngekuthula. Kungako liBhayibheli litsi: “Tiyawugucula tinkemba tato tibe ngemakhuba, tikhali tato titente tikelo tekutsena tihlahla. Sive ngeke siphindze silwe nalesinye sive, futsi ngeke tiphindze ticeceshelwe kulwa imphi.”—Isaya 2:3, 4.
Kuze utfole lokunyenti, fundza sihloko lesitsi “Yini Letawufezwa NguMbuso WaNkulunkulu?” ubukele ne-video letsi Uyini UMbuso WaNkulunkulu?
Lokunye Longatsandza Kukuhlola
SICONGOSEKULINDZA
Yini Letawufezwa NguMbuso WaNkulunkulu?
Jesu bekati kutsi nguMbuso waNkulunkulu kuphela longuhulumende longalungisa tinkinga letikhona emhlabeni. Yini leseyivele yentiwe nguloMbuso kuze usisite siwetsembe?
HLALANI NILINDZILE!
Bantfu Abasabetsembi Bosopolitiki—Litsini LiBhayibheli?
LiBhayibheli lisikhutsata kutsi sinake kutsi setsemba bani, liphindze lisitjele ngesisombululo lokukuphela kwaso lesingasetsemba lesingacedza tonkhe tinkinga.
HLALANI NILINDZILE!
Yini Leyenta Ipolitiki Yehlukanise Bantfu Kangaka?—Litsini LiBhayibheli?
Kuyandza kungevani lokubangwa yipolitiki emhlabeni wonkhe. LiBhayibheli lisiniketa sisombululo, lokungumholi longenta bonkhe bantfu babe nebunye.
SICONGOSEKULINDZA
Nkulunkulu Ukhetse Bani Kutsi Abe YiNkhosi YaloMbuso?
LETINYE TIHLOKO
Litsemba Sibili Ngelikusasa Lelihle
Yini leyenta tetsembiso letiseBhayibhelini tehluke kunaleto letentiwa bantfu?
TIMFUNDZISO LETISEBHAYIBHELINI
Yetama luhlelo lwetfu lwekudadisha liBhayibheli
Tfola sifundvo seliBhayibheli samahhala ukanye nalotakufundzisa.
