•   “Cishe ihhafu yebantfu labadzala baseMelika batsi banesitunge, futsi labanyenti babo basemkhatsini weminyaka lengu-18 kuya ku-25.”​—I-Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[I-The World Health Organization] imemetele kutsi inikete licembu lebantfu labatsite umsebenti wekwenta lucwaningo ngesitunge ngobe kubonakala shengatsi sisongela kuphila kwebantfu labanyenti. Lomunye umsebenti walelicembu kukhutsata bantfu kutsi bakhe budlelwane nalabanye liphindze litfole letinye tindlela tekulwisana nesitunge kuwo onkhe emave, lokufaka ekhatsi nemave laphuyile.”​—I-The World Health Organization, November 15, 2023.

 LiBhayibheli lisiniketa teluleko letingasisita sibe nebuhlobo lobuhle nalabanye futsi singabi nesitunge.

 Nciphisa tintfo letikwenta utehlukanise nalabanye. Letinye taletintfo tifaka ekhatsi kusebentisa kakhulu tinhlelo tekuchumana. Kunekucitsa sikhatsi lesinyenti kutekuchumana, funa ematfuba ekucoca buso nebuso nalabanye futsi wakhe bangani sibili.

•   Simiso seliBhayibheli: “Umngani sibili ukutsandza ngaso sonkhe sikhatsi futsi ungumnakenu longetsembela kuye ngesikhatsi sekuhlupheka.”​—Taga 17:17.

 Funa ematfuba ekusita labanye. Kwentela labanye tintfo letinhle kusenta sibe nebuhlobo lobuhle nabo, futsi natsi kusenta sijabule.

•   Simiso seliBhayibheli: “Kunenjabulo lenkhulu ekupheni kunasekwemukeleni.”​—Imisebenti 20:35.

 Ngena ku-website yetfu kuze utfole lokunyenti eBhayibhelini lokungakusita wakhe bangani labakahle.