UMKHANKHASO WESIKHUMBUTO
Jesu Utawucedza Timphi
Ngesikhatsi alapha emhlabeni, Jesu wakhombisa kutsi uyabatsandza bantfu waze wanikela ngekuphila kwakhe ngenca yabo. (Matewu 20:28; Johane 15:13) Madvutane, utawuphindze akhombise kutsi uyabatsandza bantfu ngekutsi asebentise ligunya lakhe njengeNkhosi yeMbuso waNkulunkulu kuze acedze “timphi emhlabeni wonkhe.”—Tihlabelelo 46:9.
Naka indlela liBhayibheli lelikuchaza ngayo loko lokutawentiwa nguJesu:
“Ngobe itawukhulula lohluphekile lokhalela lusito, ikhulule lophansi kanye naloyo lote longamsita. Itamvela lophansi nalohluphekile, futsi itawusindzisa kuphila kwalabahluphekile. Itawubakhulula ekucindzetelweni nasebudloveni.”—Tihlabelelo 72:12-14.
Singakhombisa njani kutsi siyabonga ngako konkhe Jesu lasentele kona kanye nangaloko lasatasentela kona? KuLukha 22:19, Jesu watjela balandzeli bakhe kutsi bakhumbule kufa kwakhe. Kungako njalo ngemnyaka ngelilanga lafa ngalo, BoFakazi BaJehova bahlangana kuze bakhumbule kufa kwakhe. Siyakumema kutsi ube natsi eSikhumbutweni sekufa kwaJesu ngeLisontfo, mhlaka 24 March 2024.
Lokunye Longatsandza Kukuhlola
SIKHUMBUTO
Kukhumbula Kufa KwaJesu
Sikumema kutsi ugubhe natsi kufa kwaJesu ngendlela lacela kutsi kwentiwe ngayo. Fundza kutsi kuphila kwaJesu nekufa kwakhe kungakuzuzisa njani wena.
TIMFUNDZISO TELIBHAYIBHELI LETIBALULEKILE
Uyini UMbuso WaNkulunkulu?
Ngesikhatsi alapha emhlabeni, Jesu bekafundzisa kakhulu ngeMbuso waNkulunkulu kwendlula nobe ngabe yini lenye. Sekuphele iminyaka leminyenti bantfu bathantazela kutsi loMbuso ufike.
SICONGOSEKULINDZA
Liciniso NgeMbuso WaNkulunkulu
ImiBhalo ikhomba iNkhosi yeMbuso waNkulunkulu kanye nemaciniso ngendzawo, injongo, babusi kanye nalabatawubuswa nguloMbuso.
MAYELANA NATSI
Cela Kuvakashelwa
Coca ngembuto lomayelana neliBhayibheli nobe ufundze lokunyenti ngaBoFakazi BaJehova.
