Ngekusho kwe-Catholic News Service, ngesikhatsi kunemkhosi lotsite eSt. Peter’s Basilica ngaMarch 25, 2022, Papa Francis wema embikwesitfombe saMariya “wavala emehlo, wagobisa inhloko futsi wase uthantaza ngenhlitiyo.” “Wancenga Mariya” kutsi aletse kuthula. Ngekwembiko weVetican News, “LoPapa wathantaza wakhalela bantfu kuMariya, ikakhulukati bantfu baseRussia nebase-Ukraine.”

 Wena ucabangani? Kukahle yini kuthantaza etitfombeni nobe kutisebentisa nasikhonta Nkulunkulu? Cabanga ngalamavesi eliBhayibheli lalandzelako:

•   “Ungatenteli sithico nobe umfanekiso wanobe yini lesemazulwini, nobe lesemhlabeni nobe lesemantini ngephansi kwemhlaba. Ungakukhotsameli nobe uyengelwe kutsi ukukhonte, ngobe mine Jehova Nkulunkulu wakho nginguNkulunkulu lofuna kutsi ukhonte yena yedvwa.”—Eksodusi 20:4, 5. a

•   “Tithico tebantfu betive tentiwe ngelisiliva nangeligolide, futsi takhiwe bantfu. Tinemlomo kodvwa atikhulumi; tinemehlo kodvwa atiboni; tinetindlebe kodvwa ativa; tinemakhala kodvwa atiliva liphunga; tinetandla kodvwa atikhoni kubamba; tinetinyawo kodvwa atihambi; kute nelivi leliphuma emiphinjeni yato. Bantfu labatakhako batawufanana nato, futsi bonkhe labetsembela kuto nabo batawufana nato.”—Tihlabelelo 115:4-8.

•   “Mine nginguJehova. Lelo libito lami; kute lengitamniketa inkhatimulo yami, futsi ludvumo lwami angeke ngilunikete tithico letibatiwe.”—Isaya 42:8, umbhalo longentasi.

•   “Kubalekeleni kukhonta tithico.”—1 KubaseKhorinte 10:14.

•   “Tibalekeleni tithico.”—1 Johane 5:21.

 Kuze utfole lokunyenti ngalokushiwo liBhayibheli ngekusebentisa tithico nasikhonta Nkulunkulu, fundza sihloko lesitsi “The Bible’s Viewpoint—Images,” lesitfolakala ngesiNgisi, nobe ubukele i-video lenesihloko lesitsi Nkulunkulu Uyakwemukela Yini Kukhontwa Ngetithico?

 Kungenteka utakujabulela lokushiwo liBhayibheli nganati tihloko:

•   ““Litsini LiBhayibheli Ngentfombi-ntfo Mariya?”

•   “Ingabe Kufanele Uthandaze Encasakazini UMariya?” sitfolakala ngesiZulu.

•   ““Miracles and Apparitions—Signs From God?” sitfolakala ngesiNgisi.

•   “Ukuthula Emhlabeni—Kuyofika Kanjani?” sitfolakala ngesiZulu.

Photo credit: Vincenzo Pinto/AFP via Getty Images