HLALANI NILINDZILE!
Ngumuphi Umholi Lotamkhetsa?—Litsini LiBhayibheli?
Kulamaviki lambalwa letako, kutawuba nelukhetfo emaveni lamanyenti emhlabeni. Bantfu batawube benta tincumo letibalulekile tekutsi bobani labatabakhetsa kutsi babe baholi babo.
Litsini liBhayibheli?
Kulinganiselwe lokungentiwa baholi lababantfu
LiBhayibheli liveta kulinganiselwa bonkhe baholi lababantfu labanako.
“Ningalibeki litsemba lenu kubaholi nobe kumuntfu, ngobe ngeke akhone kunisindzisa. Umoya wakhe uyaphuma, yena abuyele emhlabatsini; futsi imicabango yakhe iphela ngalo lelolanga.”—Tihlabelelo 146:3, 4, umbhalo longentasi.
Ngisho nemholi lokahle kakhulu utawugcine afile. Ngetulu kwaloko, kute siciniseko sekutsi labo labatawuhola ngemuva kwakhe batawuchubekisa lemisebenti yakhe lemihle.—Umshumayeli 2:18, 19.
Liciniso likutsi liBhayibheli liveta kutsi bantfu bebangakadalwa ngenjongo yekutsi batibuse.
“Akusiko kwemuntfu kutsi aticondzisele yena imphilo yakhe.—Jeremiya 10:23.
Ukhona yini umuntfu longaba ngumholi lokahle kulesikhatsi setfu?
Umholi lowemukelwa nguNkulunkulu
LiBhayibheli liveta kutsi Nkulunkulu ubeke umholi lokahle kakhulu nalesingametsemba, longuJesu Khristu. (Tihlabelelo 2:6) Jesu uyiNkhosi yeMbuso waNkulunkulu, lokunguhulumende lobusa usezulwimi.—Matewu 6:10.
Utawuvuma yini kuholwa nguJesu? LiBhayibheli liveta kubaluleka kwalombuto:
“Hloniphani indvodzana [Jesu Khristu], ngale kwaloko Nkulunkulu utawutfukutsela futsi nitawushabalala endleleni, ngobe intfukutselo yakhe isheshe ivutse. Bayajabula bonkhe labakhosela kuye.”—Tihlabelelo 2:12.
Lesi sikhatsi sekutsi wente sincumo. Siphrofetho seliBhayibheli siveta kutsi Jesu wacala kubusa nga-1914 futsi ngekushesha uMbuso waNkulunkulu utawutsatsa sikhundla sabo bonkhe bohulumende bebantfu.—Danyela 2:44.
Kuze utfole lokwengetiwe ngekutsi ungakusekela njani kuhola kwaJesu, fundza sihloko lesitsi “Khetsa Nyalo Kusekela UMbuso WaNkulunkulu!”
Lokunye Longatsandza Kukuhlola
SICONGOSEKULINDZA
Ngubani INkhosi YeMbuso WaNkulunkulu?
Babhali beliBhayibheli labanyenti babhala imininingwane leveta umuntfu lebekatawuba yiNkhosi yeMbuso waNkulunkulu. Kuwo wonkhe umlandvo webantfu, munye kuphela umuntfu lofanelwa ngulesikhundla.
TIMFUNDZISO TELIBHAYIBHELI LETIBALULEKILE
Uyini UMbuso WaNkulunkulu?
Ngesikhatsi alapha emhlabeni, Jesu bekafundzisa kakhulu ngeMbuso waNkulunkulu kwendlula nobe ngabe yini lenye. Sekuphele iminyaka leminyenti bantfu bathantazela kutsi loMbuso ufike.
LETINYE TIHLOKO
Litsemba Sibili Ngelikusasa Lelihle
Yini leyenta tetsembiso letiseBhayibhelini tehluke kunaleto letentiwa bantfu?
TIMPHENDVULO TEMIBUTO LEMAYELANA NELIBHAYIBHELI
Yini Letawufezwa NguMbuso WaNkulunkulu?
Tfola kutsi yini longayilindzela nasekubusa hulumende waNkulunkulu emhlabeni.
MAYELANA NATSI
Cela Kuvakashelwa
Coca ngembuto lomayelana neliBhayibheli nobe ufundze lokunyenti ngaBoFakazi BaJehova.
