Bantfu labanyenti emhlabeni bakutfola kumatima kuhlangabetana netindleko tekuphila, futsi lesimo siya siba sibi nakakhulu.

•   Ngekusho kwembiko wakamuva lovela emhlabeni wonkhe, a “liholo lelitfolwa bantfu njalo ngenyanga lehle kakhulu.” Lombiko wecwayisa ngekutsi nangabe kute lokwentiwako ngalesimo, “kutawukhula kungalingani kwebantfu kutemnotfo” futsi “lizinga lekuphila lebantfu labanyenti labasebentako kanye nemindeni yabo litawehla.”

 Bohulumende batawukhona yini kulungisa nobe kucedza letinkinga tetemnotfo letandzako?

 LiBhayibheli liveta kutsi kunahulumende longakhona futsi lotaticedza tonkhe tinkinga tetemnotfo, lokufaka ekhatsi kungalingani kwebantfu kunemnotfo. Litsi “Nkulunkulu welizulu utawubeka umbuso,” lokunguhulumende lotawubusa wonkhe umhlaba. (Danyela 2:44) Nasekubusa lombuso kute umuntfu longeke anakekeleke kahle. (Tihlabelelo 9:18) UMbuso waNkulunkulu utawenta siciniseko sekutsi tonkhe takhamiti tawo tinako konkhe letikudzingako futsi tijabulile. Bonkhe batawujabulela kubona imiphumela yekusebenta kwabo ngekutikhandla.​—Isaya 65:21, 22.